Թուրքիան չպետք է շահարկի փախստականների թեման ԵՄ-ի վրա ճնշում գործադրելու համար։
Եվրախորհրդարանում հայտարարել են, որ Թուրքիան չպետք է շահարկի փախստականների հարցը ԵՄ-ին սպառնալու համար
ՍՏԵՓԱՆԱԿԵՐՏ, 20 նոյեմբերի, ԱՐՑԱԽՊՐԵՍ։ Tert.am-ի փոխանցմամբ, գրում է РИА Новости-ն: Նման հայտարարությամբ չորեքշաբթի հանդես է եկել Եվրախորհրդարանի խոսնակ Դավիդ Սասոլին Թուրքիայի ԱԳ նախարար Մևլյութ Չավուշօղլուի հետ հանդիպմանը։
Թուրքիայի նախագահ Ռեջեփ Թայիփ Էրդողանը բազմիցս հայտարարել է, որ Թուրքիան կբացի եվրոպական երկրների հետ սահմանը փախստականների համար, եթե բավականաչափ աջակցություն չստանա ԵՄ-ից։
«Այսօր առավոտյան ես անկեղծ զրույց եմ ունեցել նախարարի հետ։ Ես կրկին հայտարարել եմ, որ ԵՄ-ն վճռականորեն դատապարտում է Թուրքիայի ռազմական միջամտությունը Սիրիայի հյուսիս-արևելյան հատվածում։ Դա միջազգային իրավունքի լուրջ խախտում է, որը սասանում է կայունությունն ու անվտանգությունը տարածաշրջանում»,- ասվում է Սասոլիի հայտարարության մեջ։
Վերջինս ընդգծել է, որ Եվրախորհրդարանը «շարունակում է ուշադիր հետևել հումանիտար ճգնաժամի շուրջ տիրող իրավիճակին»։ «Ես հասկացրել եմ, որ անթույլատրելի է պատերազմից փախչող մարդկանց օգտագործելը քաղաքական շահի կամ ԵՄ-ի վրա ճնշում գործադրելու համար»,- ասվում է հայտարարության մեջ։
Հարգելի՛ ընթերցող, 1-5 բալային համակարգով կարող եք գնահատել նյութի որակը՝ 10-55 կարճ համարին ուղարկելով sms հաղորդագրություն՝ նշելով համապատասխան կոդը` -52-: