«Ալօ» շարժման կողմից այսօր մեր խմբագրությունը հաղորդագրություն է ստացել, որտեղ մասնավորապես նշվում է, որ դեկտեմբերի 2-ին Artsakhpress.am կայքի միջոցով «Զինվորի կերպարը շահարկելով փորձում են միավորներ հավաքել» հարցազրույցում «Ղարաբաղ Տելեկոմ» ընկերության ներկայացուցչի տեսակետին իրենց անհամաձայնությունն են հայտում:
«Ալօ» շարժման մասին ապակողմնորոշող տեսակետ է տարածվել. արձագանք
ՍՏԵՓԱՆԱԿԵՐՏ, 4 դեկտեմբերի, ԱՐՑԱԽՊՐԵՍ: Հաղորդագրության մեջ ասված է.
«Հարցազրույցում «Ալօ» շարժման մասին ապակողմնորոշող տեսակետ է տարածվել:
«Եկեք տարանջատենք կյանքն ու ֆեյսբուքը: Իրական կյանքում կան իրական խնդիրներ ու լուծումներ, վիրտուալում, ցավոք նաև՝ միայն սեփական շահեր հետապնդող ֆեյք նյուզ: Հիմա հայտնվել է մի կետ, որտեղ նշված կայքի և «Ալօ»-ի շահերը համընկել են՝ «Բանակ-կապ-հեռահար նպատակներ» եռանկյունում: Ինչ է արել forrights.am-ը»:
Վերոհիշյալ հարցազրույցում հնչած այս ձևակերպման համար «Ղարաբաղ Տելեկոմ»-ից փորձել ենք պարզել, թե ի՞նչ են նկատի ունեցել սեփական շահ ասելով: Մեզ առաջարկել են հարցն ուղղարկել էլեկտրոնային նամակով՝ պատճառաբանելով, թե չեն ճանաչում ում հետ են խոսում, այն ինչ ցանկացած քաղաքացու պարտավոր են պատասխանել իրենց գրածների համար:
Հիմա հարց է առաջանում, եթե հեռախոսով չեն ճանաչում «Ալօ» նախաձեռնության կարգավորող Մհեր Պողոսյանին և առաջարկում են հարցը էլեկտրոնային եղանակով ուղղարկել, ապա ինչպե՞ս պիտի այն ճանաչեն էլեկտրոնոյին փոստով:
Ըստ մեզ, հանրությանը ուղղվող ցանկացած նյութ պարտավոր են պարզաբանել այն տարածողները: Բնականաբար մենք էլեկտրոնային փոստով չենք դիմի, քանզի անպատասխան են մնացել մեր բազմաթիվ նամակները «Ալօ» շարժման կողմից և պարզ երևում է, որ «Ղարաբաղ Տելեկոմ»-ը փորձել է կրկին ապակողմնորոշել հանրությանը:
Հեռախոսազանգի ձայնագրությունն՝ այս հղումով»,- նշված է հաղորդագրության մեջ:
Հարգելի՛ ընթերցող, 1-5 բալային համակարգով կարող եք գնահատել նյութի որակը՝ 10-55 կարճ համարին ուղարկելով sms հաղորդագրություն՝ նշելով համապատասխան կոդը` -38-:
