Այս երկու նկարներում Սաթենիկն է, արցախցի 25-ամյա ապագա ուռուցքաբանը, ով ճակատագրի հեգնանքով այժմ պայքարում է քաղցկեղի դեմ:
Արցախցի Սաթենիկը բոլորի օգնության կարիքն ունի
ՍՏԵՓԱՆԱԿԵՐՏ, 8 հունվարի, ԱՐՑԱԽՊՐԵՍ: Այս մասին «Արցախպրես»-ի թղթակցի հետ զրույցում ասել է Սաթենիկի ընկերուհի Մարիամ Սարգսյանը:
Նրա խոսքով՝ Սաթենիկն իր ճանաչած ուժեղագույն անհատներից է, ով երբեք սեփական ցավը ի ցույց չի դնում: Բայց հիմա բոլորի աջակցությունն է անհրաժեշտ նրան:
«Գերմանիայում բուժումը շարունակելու համար Սաֆարյանների ընտանիքին անհրաժեշտ է գումար: Սրտացավ հայրենակիցներ, առաջին անգամ եմ ձեզ դիմում՝ հավատով, որ Ամանորին հնչած ձեր ցանկություններում առողջությունն առաջնային էր, իսկ հիմա խոսքից գործի անցնելու ժամանակն է: Սաֆարյանների ներդրումը մեր հայրենիքի համար անչափելի է: Սաթենիկի հայրը՝ շախմատիստ Սամվել Սաֆարյանն իր կյանքը մեր խաղաղության համար է զոհել, իսկ մայրը՝ Նունե Սաֆարյանը տասնամյակներ շարունակ սերունդ է կրթել և շարունակում է հայոց տառերը ճանաչելի դարձնել մեր մանուկներին: Այսօր՝ հորը երբեք չտեսած Սաթենիկը, մեր օգնության կարիքն ունի. նրան ախտորոշել ստամոքսի քաղցկեղ: Խնդրում եմ հնարավորության չափով օգնենք, որ ապագա բժիշկը հաղթի քաղցկեղին և իր հետագա պայքարը մղի այլոց կյանքերի համար: փոխանցումները ՀՀ դրամով կարող եք փոխանցել «Ամերիաբանկ»-ի միջոցով՝ Նունե Սաֆարյան հաշվեհամարին՝ 1570012838190100»,-մասնավորապես ասել է Մ. Սարգսյանը: