Artsakhpress

Միջազգային

Զարիֆը Եվրոպային խորհուրդ է տվել անկախ գործել, այլ ոչ թե տրվել ԱՄՆ-ի սպառնալիքներին

Իրանի ԱԳՆ ղեկավար Մոհամմադ Ջավադ Զարիֆը Եվրոպային խորհուրդ է տվել անկախ գործել, այլ ոչ թե տրվել ԱՄՆ-ի սպառնալիքներին:

Զարիֆը Եվրոպային խորհուրդ է տվել անկախ գործել, այլ ոչ թե տրվել ԱՄՆ-ի սպառնալիքներին

Զարիֆը Եվրոպային խորհուրդ է տվել անկախ գործել, այլ ոչ թե տրվել ԱՄՆ-ի սպառնալիքներին
 ՍՏԵՓԱՆԱԿԵՐՏ, 22 հունվարի, ԱՐՑԱԽՊՐԵՍ։ Այս մասին նա գրել է Twtter-ում, հաղորդում է News.am-ը:
«Սեփական ազնվությունը վաճառելուց եւ ցանկացած օրինական հիմք կորցնելուց հետո ԱՄՆ-ը սպառնում է նոր մաքսատուրքերով: Ավելի լավ կլինի, եթե ԵՄ-ը սկսի իր ինքնիշխանությունը դրսեւորել»,- գրել է նա:
Զարիֆի խոսքով՝ երբ անցած շաբաթ «եվրաեռյակը»՝ Գերմանիա, Ֆրանսիա, Մեծ Բրիտանիան, «վաճառեց գործարքի մնացորդները» ԱՄՆ պատժամիջոցներից խուսափելու համար, ինքը նախազգուշացրեց, որ այդպիսով «միայն գրգռում եք ամերիկյան վարչակազմի ախորժակը»:  
Հունվարի 21-ին ԱՄՆ նախագահը հայտարարել է ԵՄ-ից ավտոմեքենաների ներմուծման վրա մաքսատուրքեր մտցնելու մտադրության լրջության մասին, եթե կողմերին չհաջողվի առեւտրային համաձայնագիր կնքել այն պայմաններով, որոնք ձեռնտու են Վաշինգտոնին:
Հունվարի 15-ին The Washington Post-ը՝ վկայակոչելով աղբյուրները, գրել է, որ Թրամփը սպառնացել է Փարզին, Լոնդոնին եւ Բեռլինին 25 տոկոսի չափով մաքսատուրքեր սահմանել եվրոպական ավտոմեքենաների վրա, եթե նրանք Իրանին չմեղադրեն ԳՀՀԾ-ն խախտելու մեջ: Պարբերականի տվյալներով՝ նախազգուշացումն արվել է մեկ շաբաթ առաջ այն բանից հետո, երբ նշված երկրները հունվարի 14-ին գործարկել են միջուկային գործարքի շրջանակում վեճերի լուծման մեխանիզմը: Աղբյուրներից մեկն ԱՄՆ-ի այդ քայլն անվանել է «շորթում»:  
Իրանի միջուկային գործարքի ապագան հարցականի տակ հայտնվեց 2018 թվականի մայիսի 8-ին համաձայնագրից ԱՄՆ միակողմանի դուրս գալուց եւ Իրանի դեմ Վաշինգտոնի կողմից նավթի արտահանման ոլորտում պատժամիջոցներ մտցնելուց հետո։ Իրանական կողմի վարկածով՝ մնացած մասնակիցները, նախեւառաջ՝ եվրոպացիները, լիարժեք չեն կատարում համաձայնագրի տնտեսական մասով սահմանված իրենց պարտավորությունները, այդ պատճառով գործարքն իր այժմյան տեսքով իմաստ չունի։ Դրա հետ կապված՝ Թեհրանը սկսել է ԳՀՀԾ-ի գծով իր պարտավորությունների փուլային դադարեցումը, որոնք վերաբերում են ուրանի հարստացմանը եւ հետազոտական գործունեությանը, իսկ հունվարի սկզբից հայտարարել է այդ գործընթացն ավարտելու մասին։ 
Հարգելի՛ ընթերցող, 1-5 բալային համակարգով կարող եք գնահատել նյութի որակը՝ 10-55 կարճ համարին ուղարկելով sms հաղորդագրություն՝ նշելով համապատասխան կոդը` -54-:

     

Քաղաքական

Տնտեսական

Հասարակական

Ռազմական

Ամենադիտված

ամիս

շաբաթ

օր

Արցախի նախագահական ընտրություններին մասնակցելու հայտ է ներկայացրել 12 թեկնածու

Սամվել Բաբայանի գրասենյակը կեղծ հայտարարություն է տարածել. պարզաբանում

Արցախում երկու զինծառայող է զոհվել

Դատարանը հրապարակեց Սամվել Բաբայանի դատական գործով որոշումը

Սամվել Բաբայանի ղեկավարած կուսակցությունը կսատարի Մասիս Մայիլյանի թեկնածությունը

Ստեփանակերտում կկառուցվի նոր, իր չափերով գուցե ամենամեծ բնակելի թաղամասը. Արայիկ Հարությունյան

Համապետական ընտրություններին մասնակցելու հայտ է ներկայացրել 14 նախագահի թեկնածու, 2 կուսակցությունների դաշինք և 10 կուսակցություն

Աջակցում ենք նախագահի թեկնածու Արայիկ Հարությունյանին. ավելի քան մեկ տասնյակ հասարակական կազմակերպություններ հանդես են եկել հայտարարությամբ

Ստեփանակերտ-Երևան երկկողմանի ճանապարհները փակ են. ԱԻՊԾ

Search