Artsakhpress

Միջազգային

ԿՀՎ-ն արխիվային տվյալներ է հրապարակել «Հիտլերի գործակալ» Ստեպան Բանդերայի մասին

Երկրորդ համաշխարհային պատերազմից հետո, Կենտրոնական հետախուզական վարչությունը (ԿՀՎ) տարբեր աղբյուրներից հավաքել և համակարգել է ուկրաինացի ազգայնականների և նրանց առաջնորդ Ստեպան Բանդերայի մասին տվյալները, մասնավորապես` նրա նկատմամբ հասարակության, լրատվամիջոցների և քաղաքական տարբեր ուժերի վերաբերմունքի մասին տեղեկությունները:

ԿՀՎ-ն արխիվային տվյալներ է հրապարակել «Հիտլերի գործակալ» Ստեպան Բանդերայի մասին

ԿՀՎ-ն արխիվային տվյալներ է հրապարակել «Հիտլերի գործակալ» Ստեպան Բանդերայի մասին
ՍՏԵՓԱՆԱԿԵՐՏ, 24 հունվարի, ԱՐՑԱԽՊՐԵՍ։ Panorama.am-ի փոխանցմամբ, այս մասին հայտնում  է «ՌԻԱ Նովոստի» գործակալությունը:
Այս մասին վկայում է բաց հասանելիությամբ հրապարակված տեղեկանքը, որը 1951 թվականին «Սոցիալիստական տեղեկատու» ռուսալեզու ամսագրի թարգմանությունն է:
Հրապարակումը կոչվում է «Ստեպան Բանդերան և Ուկրաինական պետությունը 1941 թվականին», որում կարճ պատմվում է ուկրաինացի ազգայնականների և նրանց կատարած հանցագործությունների մասին:
«1941 թվականի հունիսի 30-ին ուկրաինացի ֆաշիստ և Հիտլերի պրոֆեսիոնալ գործակալ Ստեպան Բանդերան Լվովում հայտարարեց Արևմտյան Ուկրաինա պետության վերստեղծման մասին»,- ասվում է փաստաթղթում:
Հեղինակի խոսքով` Բանդերայի հինգ շաբաթական «պետությունում» վերացվեց ավելի քան 5 000 ուկրաինացի, 15 000 հրեա և մի քանի հազար լեհ:
Փաստաթղթի ներքևում թողած ստորագրությունը ցույց է տալիս, որ այն գաղտնազերծվել է` «Նացիստական ռազմական հանցագործների գաղտնազերծման մասին օրենքի» համաձայն:
Բանդերայի և ուկրաինացի ազգայնականների հանցագործությունները Ստեպան Բանդերան Ուկրաինայի ազգայնականների կազմակերպության և Ուկրաինական ապստամբական բանակի առաջնորդն է եղել, որը բազմաթիվ հանցագործությունների` այդ թվում 1943 թվականին լեհական ազգի զանգվածային ոչնչացման` Վոլինի կոտորածի հեղինակն է:
Պատերազմից հետո Բանդերան իր գործունեությունը շարունակել է Ուկրաինական ազգայնականների կազմակերպությունում, որի կենտրոնացված կառավարումը գտնվում էր Արևմտյան Գերմանիայում: Նա ղեկավարում էր ԽՍՀՄ տարածքում ուկրաինացի ազգայնականների գործողությունները: Սառը պատերազմի ժամանակ ուկրաինացի ազգայնականներն ակտիվորեն օգտվել են արևմտյան երկրների հատուկ ծառայություններից Խորհրդային Միության դեմ պայքարում:
Նշվում է, որ Բանդերան թունավորվել է ՊԱԿ-ի գործակալի կողմից 1959 թվականի հոկտեմբերի 15-ին Մյունխենում: Թաղվել է 1959 թ.-ի հոկտեմբերի 20-ին Մյունխենի Վալդֆրիդհոֆ գերեզմանատանը:
Հարգելի՛ ընթերցող, 1-5 բալային համակարգով կարող եք գնահատել նյութի որակը՝ 10-55 կարճ համարին ուղարկելով sms հաղորդագրություն՝ նշելով համապատասխան կոդը` -31-:

     

Քաղաքական

Հասարակական

Ռազմական

Ամենադիտված

ամիս

շաբաթ

օր

Արցախի նախագահական ընտրություններին մասնակցելու հայտ է ներկայացրել 12 թեկնածու

Սամվել Բաբայանի գրասենյակը կեղծ հայտարարություն է տարածել. պարզաբանում

Արցախում երկու զինծառայող է զոհվել

Դատարանը հրապարակեց Սամվել Բաբայանի դատական գործով որոշումը

Սամվել Բաբայանի ղեկավարած կուսակցությունը կսատարի Մասիս Մայիլյանի թեկնածությունը

Ստեփանակերտում կկառուցվի նոր, իր չափերով գուցե ամենամեծ բնակելի թաղամասը. Արայիկ Հարությունյան

Համապետական ընտրություններին մասնակցելու հայտ է ներկայացրել 14 նախագահի թեկնածու, 2 կուսակցությունների դաշինք և 10 կուսակցություն

Ստեփանակերտ-Երևան երկկողմանի ճանապարհները փակ են. ԱԻՊԾ

Աջակցում ենք նախագահի թեկնածու Արայիկ Հարությունյանին. ավելի քան մեկ տասնյակ հասարակական կազմակերպություններ հանդես են եկել հայտարարությամբ

Search