Artsakhpress

Հասարակական

Կայացել է ԱՀ պետական մշակութային քաղաքականության հայեցակարգի նախագծի շնորհանդեսը

ԱՀ մշակույթի, երիտասարդության հարցերի և զբոսաշրջության նախարարությունում այսօր՝ փետրվարի 14-ին, կայացել է ԱՀ պետական մշակութային քաղաքականության հայեցակարգի նախագծի շնորհանդեսը:

Կայացել է ԱՀ պետական մշակութային քաղաքականության հայեցակարգի նախագծի շնորհանդեսը

Կայացել  է    ԱՀ պետական մշակութային  քաղաքականության   հայեցակարգի  նախագծի  շնորհանդեսը
ՍՏԵՓԱՆԱԿԵՐՏ, 14 փետրվարի, ԱՐՑԱԽՊՐԵՍ։ Հայեցակարգի նախագիծն իրականցվել է Երևանի պետական համալսարանի մշակութաբանության ամբիոնի և ԱՀ մշակույթի, երիտասարդության հարցերի և զբոսաշրջության նախարարության միջև կնքված համագործակցության հուշագրի շրջանակներում:

«Արցախպրես»-ի թղթակցի հաղորդմամբ՝ միջոցառմանը բացման խոսքում հանդես է եկել ԱՀ մշակույթի, երիտասարդության հարցերի և զբոսաշրջության փոխնախարար Մելանյա Բալայանը:
Նրա խոսքով՝ անցած տարիների ընթացքում բավականին լուրջ աշխատանքներ են կատարվել ԱՀ-ում մշակութային կյանքի աշխուժացման, հաստատությունների կայացման, նոր կենտրոնների բացման ուղղություններով:

«Այս ամենը կյանքի կոչելուց հետո փորձեցինք վերանայել կատարված աշխատանքները: Պատասխանատվություն կրելով դրանց համար՝ պարտավոր ենք նոր քայլեր ձեռնարկել մշակութային կյանքը նոր բարձրության հասցնելու գործում: Համաշխարհային գործընթացների ներկա փուլը պահանջում է, որ մենք էլ, մեր ազգային ինքնագիտակցությանը և կերպարին հարիր, պահպանենք ազգային մշակույթը և այն մատուցենք համաշխարհային հանրությանը: Արցախի չճանաչված լինելն ինքնին խոչընդոտներ է հարուցում մեր մշակույթը համաշխարհային հանրությանը ներկայացնելու, ինչպես նաև մեր մշակույթը զարգացնելու համար»,-մասնավորապես ասել է փոխնախարարը:

Մ. Բալայանի խոսքով՝ մշակութային քաղաքականության ընդունումը պահանջում է լուրջ աշխատանքների իրականացում. այն ավելի լայն ասպարեզ է՝ սկսած գրքերի հրատարակումից, ցուցահանդեսներից մինչև համերգային ծրագրերի և այլ տարաբնույթ միջոցառումների կազմակերպում: Արցախի մշակույթը պետք է քարոզվի ոչ միայն բնակչության շրջանում, այլև արտաքին աշխարհում:
Միջոցառմանը Երևանի պետական համալսարանի մշակութաբանության ամբիոնի վարիչ, պրոֆեսոր Համլետ Պետրոսյանն ասել է, որ իրենք նպատակ ունեին, ժամանակակից մշակութային քաղաքականությանը վերաբերող տեսական և գործնական հիմնադրույթներն օգտագործելով, առաջարկել մի հայեցակարգ, որը կհամապատասխանի ողջ հանրությանը համաշխարահային որոշակի գործընթացների, ձեռքբերումների, թերացումների համատեքստում:


«Հետազոտական մեր խումբն Արցախում աշխատել է մեկ ամիս: Այս հայեցակարգի նախագծի իրականացումն այսօր մեծ անհրաժեշտություն ունի: Մեր նպատակն է եղել նաև փորձել վեր հանել արցախյան հասարակության մշակութային հոգսերն ու մտահոգությունները: Մշակութային քաղաքականության առաջնային խնդիրը մնում է առանձին քաղաքացու, խմբի և համայնքի մշակութային իրավունքի իրացումն ու մշակութային ներուժի ինքնարտահայտման իրավական և գործնական հնարավորությունների էական բարելավումը, քաղաքացիական հասարակության գաղափարաբանության արմատավորումը, առաջընթացի ներգրավումը մշակութային քաղաքականության ոլորտում: Լուրջ խնդիրներ կան մասնագիտական և կադրային քաղաքականության բնագավառում: Կադրային քաղաքականությունն ավելի սոցիալական և քաղաքական է և ոչ պակաս մասնագիտական բնույթ է կրում»,-մանրամասնել է Հ. Պետրոսյանը:

Բանախոսի խոսքով՝ դիտարկումները ցույց են տալիս, որ ԱՀ մշակութային քաղաքականության գերակա ուղղություններն են նյութական և ոչ նյութական մշակութային ժառանգության պահպանության հիմքերի ապահովումը, տարածումը, ժամանակակից արվեստի զարգացումը, հանրահռչակումը, մշակութային կրթության և ոլորտի կադրային քաղաքականության իրականացումը, ինչը հիմնականում համապատասխանում է ԱՀ մշակույթի զարգացման ռազմավարության գերակա ուղղություններին:


Շնորհանդեսին ներկա ԱՀ մշակույթի, երիտասարդության հարցերի և զբոսաշրջության նախարարության և կառույցի ենթակայությամբ գործող շրջանների համապատասխան ոլորտների ներկայացուցիչները բանախոսին հարցեր են ուղղել և հանդես եկել առաջարկություններով:

     

Քաղաքական

Տնտեսական

Հասարակական

Ռազմական

Ամենադիտված

ամիս

շաբաթ

օր

Ջալալ Հարությունյանը նշանակվել է Արցախի պաշտպանության բանակի հրամանատար

Դժբախտ պատահար Մարտակերտի շրջանում. ավտոմեքենան գլորվել է ձորը

Հանրապետության որոշ դպրոցներում դադարեցվել են դասերը

Կորոնավիրուսային թոքաբորբը, որպես կանոն, բարդություններ չի առաջացնում. չինացի ակադեմիկոս

Ինչպե՞ս դասավորվեցին քվեաթերթիկներում. ԿԸՀ-ում վիճակահանություն է կայացել

Չինաստանում նշել են, թե որքան է տևում նոր կորոնավիրուսի գաղտնի շրջանը

Արցախում կորոնավիրուսի վարակի դեպքեր չեն գրանցվել. պատասխանատու

ՀՀ ԶՈւ բոլոր զորամասերում արգելված են զինծառայողների ծնողների այցելությունները, բոլոր տեսակի արձակուրդները. ՊՆ

Մահացել է Արցախյան պատերազմի բուժքույր-ազատամարտիկ Մարգարիտ Թարանյանը

Search