Artsakhpress

Քաղաքական

ՀՀ ԱԳ նախարարը մասնակցել է Մարդու իրավունքների խորհրդի 43-րդ նստաշրջանի շրջանակներում քննարկմանը

ՄԱԿ Մարդու իրավունքների խորհրդի 43-րդ նստաշրջանի շրջանակներում 3ետրվարի 25-ին տեղի ունեցավ «Դեպի ավելի ընդգրկուն, ներկայացուցչական ու արագ արձագանքող Խորհուրդ» բարձր մակարդակի հարակից միջոցառումը, որը կազմակերպվել էր ՄԱԿ-ում Հայաստանի, Ավստրալիայի, Մալդիվների, Նիդերլանդների և Շվեյցարիայի ներկայացուցչությունների կողմից:

ՀՀ ԱԳ նախարարը մասնակցել է Մարդու իրավունքների խորհրդի 43-րդ նստաշրջանի շրջանակներում քննարկմանը

ՀՀ ԱԳ նախարարը մասնակցել է Մարդու իրավունքների խորհրդի 43-րդ նստաշրջանի շրջանակներում քննարկմանը
ՍՏԵՓԱՆԱԿԵՐՏ, 26 փետրվարի, ԱՐՑԱԽՊՐԵՍ: Այս մասին հայտնեցին ՀՀ ԱԳՆ լրատվության և հանրային դիվանագիտության վարչությունից: 
Քննարկման բանախոսներն էին Հայաստանի ԱԳ նախարար Զոհրաբ Մնացականյանը, Մալդիվների ԱԳ նախարար Աբդուլլա Շահիդը, Իսլանդիայի ԱԳ նախարար Գուդլեիգուր Թոր Թորդարսոնը, Սեյշելների ԱԳ նախարար Բարի Ֆորը, Սուդանի ԱԳ նախարար Օմեր Իսմայիլը, Համամարդկային իրավունքների խմբի գործադիր տնօրեն Մարկ Լիմոնը:
Իր խոսքում նախարար Մնացականյանն, անդրադառնալով ՄԱԿ մարդու իրավունքների պաշտպանության օրակարգի իր փորձառությանը, մասնավորապես նշեց. «Նախքան իմ քաղաքական գործունեությունը ես երկար տարիներ զբաղվել եմ դիվանագիտությամբ՝ մարդու իրավունքների հարցերով՝ տարածաշրջանային, եվրոպական ու ՄԱԿ մակարդակներում։ Հայաստանը 2002թ-ից անդամակցել է Մարդու իրավունքների հանձնաժողովին ընդհուպ մինչ դրա ավարտը՝ 2007թ․-ը։ Ես անձամբ ջերմ հիշողություններ ունեմ կապված Հանձնաժողովն ավելի բարձր մակարդակի մարմնով՝ Խորհրդով փոխարինելու գործընթացի հետ։ Մարդու իրավունքներն այլ հարթությունում են, մարդու իրավունքների արժևորման հարցից մենք չենք կարող խուսափել»։
Նախարարը նշեց, որ Մարդու իրավունքների խորհրդի ստեղծումը նպատակ ուներ ապաքաղաքականացնելու խնդիրը, ինչպես նաև մարդու իրավունքների հարցերը տեղափոխելու ՄԱԿ-ի ավելի բարձր ամբիոն։ 
Որպես մարդու իրավունքներում հերթական ձեռքբերում՝ Հայաստանի ԱԳ նախարարն առանձնացրեց Համընդհանուր պարբերական դիտարկման գործընթացը: «Մենք հասկանում ենք, որ գոյություն ունեն միմյանցից անջատ մարդու իրավունքներ ու մարդու իրավունքների քաղաքականություն, ու այդ երկուսի հասցեագրումը մշտական մարտահրավեր է։ Ելնելով մեր փորձառությունից՝ ասեմ, որ Համընդհանուր պարբերական դիտարկման գործընթացը կարևոր աշխատանք է ազգային մակարդակում։ Դիտարկման գործընթացն ունի նաև քաղաքական նշանակություն։ Միջազգային հանրության համար սրանում է կայանում երկընտրանքը՝ ինչպիսի մոտեցում դրսևորել մարդու իրավունքների քաղաքականության հանդեպ, որպեսզի դա տեղի չունենա մարդու իրավունքների բուն խնդիրների հաշվին»,- նշեց ՀՀ ԱԳ նախարարը։

     

Քաղաքական

Տնտեսական

Հասարակական

Ռազմական

Ամենադիտված

ամիս

շաբաթ

օր

Դուք իրականությունից հեռու եք այնքանով, որքանով իմ մասին Ձեզ տեղեկություն տրամադրողները. Սամվել Կարապետյանի արձագանքը

Համապետական ընտրություններին մասնակցել են ընտրողների 72,7%-ը. ԿԸՀ նախագահ

ԱՀ ՊՆ-ն արձագանքել է Վիտալի Բալասանյանի հայտարարությանը

Ֆինանսների նախարարությունը Վիտալի Բալասանյանից փաստեր է պահանջում

Արցախում կանցկացվի նախագահական ընտրությունների երկրորդ փուլը

«Ազատ հայրենիք-ՔՄԴ» կուսակցությունների դաշինքն արձագանքել է Վիտալի Բալասանյանի հայտարարությանը 

Առայսօր կորոնավիրուսային վարակի դեպք չի գրանցվել. կա 2 մեկուսացված քաղաքացի. Տեղեկատվական շտաբ

Ո՞ւմ են ընտրելու արցախցիները նախագահական ընտրություններում. հարցախույզ (տեսանյութ)

Ապրելու եմ Արցախում և իմ հնարավորությունների սահմաններում օգտակար եմ լինելու մեր հայրենիքին. Բակո Սահակյան

Search