Artsakhpress

Միջազգային

Արաբական կոալիցիան կորոնավիրուսի ֆոնին Եմենում հրադադար է հայտարարել

Սաուդյան Արաբիայի կողմից գլխավորվող Արաբական կոալիցիան երկշաբաթյա հրադադար է հայտարարել Եմենում, ինչը կապված է երկրում կորոնավիրուսի տարածման հետ:

Արաբական կոալիցիան կորոնավիրուսի ֆոնին Եմենում հրադադար է հայտարարել

Արաբական կոալիցիան կորոնավիրուսի ֆոնին Եմենում հրադադար է հայտարարել

ՍՏԵՓԱՆԱԿԵՐՏ, 9 ապրիլի, ԱՐՑԱԽՊՐԵՍ: «Մենք պատրաստվում ենք կորոնավիրուսի դեմ պայքարին»,-ապրիլի 8-ին հայտարարել է կոալիցիայի բարձրաստիճան ներկայացուցիչը, հայտնում է Tert.am-ը:

Արաբական կոալիցիայի հաղորդագրությունում հստակեցվում է, որ հրադադարի ռեժիմն ուժի մեջ է մտնում ապրիլի 9-ի ժամը 12:00-ից և հետագայում կարող է երկարացվել: Ապստամբ հուսիթները դեռևս հրապարակայնորեն չեն արձագանքել այս նախաձեռնությանը: Ավելի վաղ եմենյան հակամարտության բոլոր կողմերը աջակցել էին ՄԱԿ-ի գլխավոր քարտուղար Անտոնիո Գուտիերեշի` քաղաքացիական բնակչությանը կորոնավիրուսից պաշտպանելու համար կրակը դադարեցնելու մասին կոչին:

Առայժմ  Եմենում նոր տիպի կորոնավիրուսով վարակման ոչ մի դեպք չի գրանցվել:  Բազմամյա ռազմական գործողությունների հետևանքով երկրում խարխլվել է բազային բժշկական համակարգը: Փորձագետները վախենում են, որ Եմենում կորոնավիրուսի տարածումը կարող է ողբերգության հանգեցնել:

2015 թվականից երկրում պատերազմ է ընթանում Սաուդյան Արաբիայի, ԱՄԷ-ի և այլ արաբական պետությունների կողմից աջակցություն վայելող նախագահ Աբդ Ռաբու Մանսուր Հադիի  զորքերի և Իրանի աջակցությունը վայելող ապստամբ հուսիթների միջև: Հակամարտության ընթացքում տասնյակ հազարավոր մարդիկ են մահացել, մեծ մասը` քաղաքացիական անձինք:


     

Քաղաքական

Հասարակական

Ռազմական

Ամենադիտված

ամիս

շաբաթ

օր

Նախագահի նոր նշանակումները. Կարեն Սարգսյանը նշանակվել է Արցախի արտակարգ իրավիճակների պետական ծառայության տնօրեն

Հայտնի է Արցախի նոր կառավարության և պետական կառավարման այլ մարմինների կառուցվածքը

Նախագահ Արայիկ Հարությունյանը նոր նշանակումներ է արել

Կարեն Դանիելյանը նշանակվել է Արցախի նախագահի աշխատակազմի ղեկավար

Արայիկ Հարությունյանն ու Սամվել Բաբայանը համագործակցության հուշագիր են ստորագրել

Ոստիկանության գնդապետ Աշոտ Հակոբջանյանը նշանակվել է Արցախի Հանրապետության ոստիկանության պետ

Եկեք հունիսի 1-ին, իսկապես, փորձենք պաշտպանել մեր երեխաների առողջությունը.Գրիգորի Մարտիրոսյան

Սամվել Շահրամանյանը նշանակվելու է ԱՀ Ռազմահայրենասիրության, երիտասարդության, սպորտի և զբոսաշրջության նախարար, Կամո Աղաջանյանը՝ ԱԱԾ տնօրեն (Տեսանյութ)

Փոփոխություններ կլինեն շրջվարչակազմերի ինստիտուտում. Արայիկ Հարությունյանը մանրամասներ է ներկայացրել

Search