ՍՏԵՓԱՆԱԿԵՐՏ, 6 մայիսի, ԱՐՑԱԽՊՐԵՍ: «Արցախպրես»-ի  թղթակցի   հաղորդմամբ՝  այս  մասին  այսօր   ընթացող    առցանց    ասուլիսի   ժամանակ    ասել  է  ԱՀ    կրթության, գիտության  և  սպորտի   նախարար   Նարինե  Աղաբալյանը:

Նրա  խոսքով՝   2019  թվականի   դեկտեմբեր    և   2020  թվականի  մարտ    ամիսներին  հանրապետությունում     գրիպի  և  սուր   շնչառական     վարակների  տարածման  հետևանքով    ուսումնական  հաստատություններում    մեծ   թիվ  են  կազմել    բացակայությունները:

 

«Առանձին  դպրոցներում  գերազանցելով   սահմանված  սանիտարահիգիենիկ   նորման, 2020  թվականի    փետրվար-մարտ  ամիսներին    հանրապետությունում  ստեղծված  համաճարակային   իրավիճակին  արձագանքման  միջոցառումներով  պայմանավորված    ուսումնական  գործընթացը հանրապետության  ուսումնական  հաստատություններում    իրականացվել  է  ընդհատումներով, իսկ  2020  թվականի  մարտի  13-ից  Նոր  կորոնավիրուսի   ներթափանցումն  Արցախում  կանխարգելելու    նպատակով  փակվել  են  բոլոր  ուսումնական  հաստատությունները, ինչը    խաթարել  է   ուսուցման  բնականոն    ընթացքը: Ցուցաբերելով  բարձր   պատասխանատվություն    և  մանկավարժական  վարպետություն՝  ուսումնական  հաստատությունների    ուսուցիչների  հիմնական  մասը    համագործակցելով   աշակերտների  և  վերջինիս   ծնողների    հետ,   կարճ   ժամանակում    ուսումնասիրելով  և  յուրացնելով    ժամանակակից    տեղեկատվական  հնարավորությունները    անցում  է  կատարել  ուսուցման  կազմակերպման    այլընտրանքային՝   հիմնականում    հեռավար  եղանակին:  Արտակարգ  ռեժիմի  պայմաններում    ուսուցիչներից   շատերն         աշխատել են մեծ   ծանրաբեռնվածությամբ, նվիրումով  ու  արժանապատվությամբ՝  ընդունելով   և   դիմագրավելով, ստեղծված   դժվարին    իրավիճակում   մեր  երեխաների  ուսուցման   շարունակականության  ապահովման    լրջագույն    մարտահրավերը: Նույն  վարքագիծն  են  դրսևորել  հազարավոր    աշակերտներ՝  սովորելով    և  հանուն  ուսման  հաղթահարելով      բազմաթիվ   խոչընդոտներ»,-մանրամասնել է  նախարարը:

 

Նա  տեղեկացրել է, որ   հաշվի  առնելով  վերոնշյալը՝   ԱՀ  ԿԳՍ  նախարարությունը    որոշել  է     թույլատրել  ուսումնական    տարվա  ամփոփման    մասով  2019-2020  թվականի      ուսումնական  տարվա   երկրորդ      կիսամյակում   փաստացի    պարապած  առկա  և   հեռավար    դասաժամերի   հաշվառումը    մատյաններում, այդ  թվում՝  էլեկտրոնային      մատյանում   գրանցված        ընթացիկ գնահատականների  հիման   վրա    երկրորդ  կիսամյակային  հիման   վրա    տարեկան  գնահատականների  ձևավորումը:  Հեռավար  կրթությանը     չմասնակցած  աշակերտների    կիսամյակային  և  տարեկան       գնահատականների   ձևավորումը     մինչև  մարտի  13-ը  նշանակված   գնահատականների     հիման  վրա, սովորողի  դասարնից-դասարան   փոխադրումը  և   ավարտումն   առանց  փոխադրական      ավարտական  և  պետական    քննությունների   ուսումնական  հաստատության      մանկավարժական  խորհրդի  որոշման  համաձայն: