Արմատներով արցախցի կինոռեժիսոր Ջիվան Ավետիսյանն արցախյան թեմատիկայով աշխատանքներ է իրականցնում գեղարվեստական նոր լիամետրաժ ֆիլմի և 12 էպիզոդանոց հեռուստասերիալի ստեղծման մասով:
Ջիվան Ավետիսյանն Արցախը կներկայացնի նոր ֆիլմերում. աշխատանքն ընթացքի մեջ է
ՍՏԵՓԱՆԱԿԵՐՏ, 11 հունիսի, ԱՐՑԱԽՊՐԵՍ։ Այս մասին «Արցախպրես»-ի թղթակցի հետ զրույցում ասել է Ջիվան Ավետիսյանը:
Նրա խոսքով՝ նոր ֆիլմի հետ կապված՝ ինքը պիտի այցելեր եվրոպական երկրներ՝ տեղանքի ուսումնասիրության և այլ հարցերով. այն հետաձգվեց՝ կապված համավարակի հետ:
«Ներկայումս իմ թիմի հետ իրականացնում եմ օնլայն աշխատանքներ: Գեղարվեստական լիամետրաժ ֆիլմի նախնական վերնագիրը կլինի «Վերածնվածը». այն իմ չորրորդ ֆիլմն է լինելու: Հաջորդը նախագիծս 12 էպիզոդանոց հեռուստասերիալ է բլոգեր Ալեքսանդր Լապշինի մասին: Այժմ մենք բանակցությունների մեջ ենք ամերիկացի հայտնի կինոսցենարիստի հետ: Առաջիկայում փորձելու եմ Արցախում նկարահանումների տեղանքների ընտրության հարցը լուծել: Փորձում ենք զարգացնել նախագծի սցենարը, որի վրա սկսել ենք աշխատել 2018 թվականի հոկտեմբերից: Զարգացման համար ֆինանսական աջակցության հայտ ենք ներկայացրել Հայաստանի ազգային կինոկենտրոնին՝ սպասում ենք պատասխանի: Կինոկենտրոնի հետ համատեղ ստեղծել ենք նաև 3 ֆիլմեր: Մենք կարևորում ենք կինոկենտրոնի մասնակցությունը նման միջազգային նախագծերի ստեղծման գործում»,-մասնավորապես ասել է Ջ. Ավետիսյանը:
