ԱՀ պետական բյուջեի միջոցներով Հադրութի շրջանի Մեխակավան համայնքում ընթանում են մանկապարտեզի շենքի կառուցման աշխատանքներ:
Մեխակավանը մանկապարտեզ կունենա
ՍՏԵՓԱՆԱԿԵՐՏ, 24 հունիսի, ԱՐՑԱԽՊՐԵՍ։ Այս մասին «Արցախպրես»-ի թղթակցի հետ զրույցում ասել է Հադրութի շրջվարչակազմի ղեկավար Կամո Պետրոսյանը:
Նրա խոսքով՝ շինաշխատանքները մեկնարկել է 2019 թվականի ամռանը:
«Մեխակավանում մինչև հիմա չկար նախադպրոցական հաստատություն, երեխաները հաճախում էին հարակից Առաքյուլ համայնքի մանկապարտեզ: Երկհարկանի նոր մանկապարտեզը նախատեսված է 100 երեխայի համար: Վերակառուցված շենքը լինելու է ժամանակակից չափանիշներին համապատասխան: Ներկայումս ավարտված է պատերի շարվածքը, ընթանում է ներքին վերակառուցման գործընթաց: Նախատեսվում է կառուցել խաղահրապարակ և կանաչ գոտի: Մանկապարտեզը շահագործման կհանձնվի 2021 թվականին»,- մասնավորապես ասել է Կ. Պետրոսյանը:
