Իսրայելը, Հունաստանը եւ Կիպրոսը համատեղ ռազմածովային զորավարժություններ են անցկացրել
Իսրայելը, Հունաստանը եւ Կիպրոսը համատեղ ռազմածովային զորավարժություններ են անցկացրել, ինչն ակնհայտորեն վկայում է երեք երկրների միջեւ համագործակցության ընդլայնման մասին, որոնք Թուրքիային ավելի ու ավելի շատ են դիտարկում որպես Միջերկրական ծովում մրցակից:
Իսրայելը, Հունաստանը եւ Կիպրոսը համատեղ ռազմածովային զորավարժություններ են անցկացրել
ՍՏԵՓԱՆԱԿԵՐՏ, 12 մարտի, ԱՐՑԱԽՊՐԵՍ:Այս մասին հայտնում է News.am- ն:
«Վեհանձն Դինա» զորավարժությունները, որոնք անցկացվել են Իսրայելի ղեկավարությամբ եւ մասնակցում էր նաեւ Ֆրանսիան, ներառում էին «որոնողափրկարարական սցենարներ եւ նավերի միջեւ ճակատամարտի նմանակման սցենար»: «ՌԾՈՒ-ն լայնամասշտաբ վարժանքներ է անցկացրել, որոնց ընթացքում մշակել է սուզանավերի պատերազմի, որոնելու եւ փրկելու հնարավորությունները, պահականավախմբերի ուղեկցությունն ու վերջրյա մարտերը»,- ասել է Իսրայելի ռազմածովային գործողությունների ղեկավար, փոխծովակալ Էյալ Հարելը: «Այս զորավարժությունները առաջնահերթ նշանակություն ունեն ընդհանուր շահեր ունեցող օտարերկրյա նավատորմերի հետ ՌԾՈՒ կապերի ամրապնդման համար»,- հավելել է նա:
Վերջին ամիսներին Իսրայելը, Հունաստանը եւ Կիպրոսը մի շարք քայլեր են ձեռնարկել կապերն ամրապնդելու համար, այդ թվում են 2000 մեգավատտ հզորությամբ ստորջրյա էլեկտրական մալուխի եւ 1900 կիլոմետր երկարությամբ ստորջրյա գազատարի կառուցման ծրագրերը:
Երեք երկրների պաշտպանության նախարարները հանդիպել էին նոյեմբերին եւ պայմանավորվել ուժեղացնել ռազմական համագործակցությունը: