Այս տարվա առաջին եռամսյակի ընթացքում արցախցի 342 մարզիկ, 29 անգամ տարբեր մարզաձևերից մասնակցելով Հայաստանի Հանրապետության առաջնություններին ու մրցաշարերին, գրավել են, ընդհանուր առմամբ, 57պատվավոր ու մրցանակային տեղեր:
Արցախցի մարզիներն այս տարի ավելի քան 50 պատվավոր մրցանակներով են վերադարձել Հայաստանի առաջնություններից ու մրցաշարերից
ՍՏԵՓԱՆԱԿԵՐՏ, 21 ապրիլի, ԱՐՑԱԽՊՐԵՍ:Այս մասին «Արցախպրես»-ին տեղեկացրին Արցախի կրթության, գիտության, մշակույթի և սպորտի նախարարության աշխատակազմի սպորտի վարչությունից: Տեղեկատվության համաձայն՝ Հայաստանում կազմակերպված առաջնություններին արցախցի 264 մարզիկ մասնակցել է 23 անգամ՝գրավելով 21 մրցանակային տեղ,ընդ որում՝ 6-ական՝ 1-ին և 2-րդ տեղեր, ինչպես նաև 9 մարզիկ նվաճել է մրցանակային 3-րդ տեղ:
Հաշվետու ժամանակահատվածում Արցախից 28 մարզիկ 2 անգամ մասնակցել է Հայաստանում կայացած մրցաշարերի՝ գրավելով 36 մրցանակային տեղ: Նրանցից 19-ը զբաղեցրել է պատվավոր՝ 1-ին հորիզոնականը, 8-ը՝ 2-րդ, 9-ը մարզիկ՝ 3-րդ տեղեր: Ընդհանուր առմամբ՝ արցախցի 50 մարզիկ, 3 անգամ մասնակցելով հուշամրցաշարերի, գրավել է 13 մրցանակային տեղ,ընդ որում՝ 4-ը՝1-ին տեղ, 5-ը՝ 2-րդ,իսկ 4 մարզիկ հուշամրցաշարերում զբաղեցրել է 3-րդ հորիզոնականը: Ըստ մարզաձևերի՝ արցախցի մարզիների մասնակցությունը մրցաշարերին ու առաջնություններին մեծաթիվ է եղել թեթև աթլետիկայից՝37 մարզիկ,որից 7-ը մրցանակային տեղեր են զբաղեցրել, բասկետբոլից՝ ընդհանուր առմամբ, 84 մասնակից, տարբեր տարիքային խմբերում:
Բասկետբոլի 16 տարեկան աղջիկների Արցախի հավաքական թիմը ՀՀ-ի առաջնությանը գրավել է 1-ին տեղ, իսկ մյուս տարիքային խմբերի առաջնությունների փուլերը դեռ շարունակվում են։ ՀՀ վոլեյբոլի առաջնությանը՝ 2 անգամ, Արցախից մասնակցել է 21 մարզիկ (պատանիներ և աղջիկներ)։ Արդյունքում՝ աղջիկների հավաքական թիմը գրավել է 3-րդ տեղը։ Հանդբոլ մարզաձևից՝ ՀՀ առաջնությանն ըստ տարիքային խմբերի՝ Արցախից 3 անգամ մասնակցել է ընդհանու թվով՝ 41 մարզիկ։
Այս մարզաձևից տարիքային խմբերի առաջնությունների փուլերը դեռ շարունակվում են։ Ծանրամարտի ՀՀ առաջնությանը մասնակցել է արցախցի 3 մարզիկ, որից մեկը գրավել է 3-րդ մրցանակային տեղ։ Բռնցքամարտ մարզաձևից Արցախի 9 մարզիկ մասնակցություն է ունեցել հուշամրցաշարի՝ գրավելով 5 մրցանակային տեղ, այդ թվում՝ 2-մարզիկ զբաղեցրել է առաջին հորիզոնականը, 1-ը՝ 2-րդ, իսկ 2 մարզիկ գրավել է 3-րդ տեղ:
Ձյուդոյի ՀՀ առաջնությանը մասնակցած արցախցի 23 մարզիկներից 2-ը գրավել են 1-ին պատավոր հորիզոնական,1-ական մարզիկ՝առաջին և երկրորդ տեղեր: ՀՀ առաջնությանը սպորտային մարմնամարզություն մարզաձևից Արցախից մասնակցել է 7 մարզիկ՝ գրավելով 4 մրցանակային՝առաջին և երկրորդ տեղեր: Սամբո մարզաձևից ՀՀ առաջնությանը մասնակցել է արցախցի 41 մարզիկ: Նրանցից 2-ը զբաղեցրել են առաջին պատվավոր հորիզոնական, 1-ը՝ երկրորդ,ևս 2-ը՝ երրորդ մրցանակային տեղեր:
Հաշվետու ժամանակահատվածում արցախցի շախմատիստներից մեկը, Հայաստանում մասնակցելով հուշամրցաշարի, գրավել է առաջին տեղ: ՀՀ առաջնություններին արցախցի մարզիկները բազմաթիվ մասնակցություններ են ունեցել և պատվավոր հորիզոնականներ զբաղեցրել նաև արևելյան մարտարվեստներից և ուժային այլ մարզաձևերից:Մասնավորապես՝ Թեքվոնդո մարզաձևից՝ ՀՀ առաջնությանը մասնակցել է 7 մարզիկ՝ գրավելով 3 մրցանակային՝ այդ թվում նաև առաջին տեղ:
Ընթացիկ տարվա առաջին եռամսյակում Արցախում կազմակերպվել և անց է կացվել Հանրապետական 3 առաջնություն, մասնակցությամբ 233 մարզիկների։ Կարատե-դո մարզաձևից ՀՀ առաջնությանը արցախցի երկու մարզիկ զբաղեցրել են առաջին և երկրորդ տեղեր, ուշու քունգ-ֆու մարզաձևից՝ 25 մարզիկ, մասնակցելով մրցաշարի, գրավել է 33 մրցանակային տեղ․որից առաջին տեղ՝16 մարզիկ, երկրորդ տեղ՝ 8, երրորդ տեղ՝ 9 մարզիկ, օյամա կիոկուշին կարատե-դո մարզաձևի հայաստանյան մրցաշարի է մասնակցել 3 մարզիկ՝ գրավելով առաջին մրցանակային տեղ:
