Artsakhpress

Հասարակական

Արցախի սահմանամերձ բնակավայրերում մեդիագրագիտության դասեր կկազմակերպվեն

«MEDIAսահման» նախագծով մեդիագրագիտության դասընթացներ կկազմակերպվեն Արցախի սահմանամերձ գյուղերում:

Արցախի սահմանամերձ բնակավայրերում մեդիագրագիտության դասեր կկազմակերպվեն

Արցախի սահմանամերձ բնակավայրերում մեդիագրագիտության դասեր կկազմակերպվեն

ՍՏԵՓԱՆԱԿԵՐՏ, հուլիսի 23, ԱՐՑԱԽՊՐԵՍ։ Այս մասին «Արցախպրես»-ի թղթակցի հետ զրույցում ասել է «Mediaսահման» նախագծի հեղինակ Վաչե Վարդանյանը:

«Քանի որ ապրում եմ Սարուշենում և Թաղավարդ ու Կարմիր շուկա համայնքներում իրականացնում եմ տարբեր ծրագրեր, հասկացա, որ մեդիագրագիտության լուրջ խնդիր կա: Եվ եկա այն եզրահանգման, որ այդ խնդիրը լուծելու միակ տարբերակը երիտասարդների ու պատանիների միջոցով մեդիագրագիտություն տարածելն է ու բնակչության մոտ դրա աստիճանը բարձրացնելը»,- նշել է Վ. Վարդանյանը:

Մեր զրուցակցի տեղեկացմամբ՝ թիմում ընդգրկված է տասնհինգ անդամ, ովքեր 5 օր վերապատրաստվել են Երևանում՝ տարբեր հեռուստաընկերություններում, ռադիոներում, տարբեր առաջատար մասնագետների մոտ, և Կարմիր շուկայում ու Թաղավարդում եռօրյա դասընթացներ են իրականացնելու: Մնացած գյուղերը դեռ կընտրվեն:

Բնութագրությունը հասանալի չէ

«Թիմի յուրաքանչյուր անդամ Երևանում մասնագիտացել ու հմտացել է մեդիագրագիտության ոլորտում: Այս օրերին փորձնական ժամանակաշրջանում ենք, անընդհատ հանդիպումներ ենք կազմակերպում ու նախապատրաստվում եռօրյա դասընթացներին, որոնք կմեկնարկեն այս շաբաթ: Դասընթացներին մասնակցելու են վերոնշյալ համայնքներից պատանիներ, ովքեր ընտրվելու են մրցութային կարգով: Մասնակիցները սովորելու են ֆոտո և վիդեո արվեստ, վիդեոմոնտաժ, բլոգի վարում: Հայաստանի տարբեր հեռուստա և ռադիոընկերություններից արդեն առաջարկներ կան՝ մեր լավագույն տեսանյութերը, որոնք կպատմեն պատանիների մասին կամ պատանիներն իրենք կպատմեն իրենց համայնքի մասին, եթեր հեռարձակելու՝ ինչը մեզ համար և՛ նորություն է, և՛ հնարավորություն»,- հավելել է նա:

Բնութագրությունը հասանալի չէ

Մեր զրուցակցի հավաստմամբ՝ այս ծրագիրը շատ մեծ նպատակներ ունի, և, որ ամենակարևորն է, ցույց տալ, որ Արցախը շարունակում է զարգանալ:

«Պատանիների միջոցով ցույց ենք տալու, որ Արցախն ապրում է, զուգահեռ բարձրացնելու ենք նաև մեդիագրագիտության մակարդակը։ Պետք է գտնենք պատանիների, ովքեր լսելի կդարձնեն Արցախի ձայնը, անընդհատ կխոսեն Արցախի մասին և տարբեր ծրագրերի կանդրադառնան: Մենք հստակ նպատակ ունենք և լուրջ ու մարտական ենք տրամադրված: Սա ուղղակի ծրագիր չէ, մենք պետք է օգնենք արցախցի պատանիներին, որ հայտնվեն հայաստանյան կամ նույնիսկ աշխարհի լավագույն հարթակներում»,- ընդգծել է Վ. Վարդանյանը:


     

Քաղաքական

Տնտեսական

Հասարակական

Ռազմական

Տեսանյութեր

ավելին

Ամենադիտված

ամիս

շաբաթ

օր

ՀՀ կառավարությունը հաստատել է Արցախի տեղահանված կամ բնակելի անշարժ գույքը կորցրած քաղաքացիներին դրամական օգնություն տրամադրելու որոշումը

Ունենք վիրավորներ. այս պահին շփման գծի ողջ երկայնքով իրավիճակը հարաբերական կայուն է. ՊԲ

Արական սեռի քաղաքացիներին անձնագրերը կտրամադրվեն ոչ թե մինչև 18, այլ մինչև 19 տարին լրանալը

Ամենայն հավանականությամբ, վաղը Հայաստան կվերադառնա գերիների նոր խումբ․ աղբյուր

Ադրբեջանը հայտարարել է, որ Հայաստանի պահանջով «ռազմավարի պուրակից» հեռացրել է բոլոր մանեկեններն ու սաղավարտները

Հայտնի են Բաքվից վերադարձող 5 գերիների անունները. Sputnik Արմենիա

Որևէ մեկի կյանքին վտանգ չի սպառնում. պետնախարարն այցելել է վիրավորներին

Պատերազմ հնարավոր չէ. Դավիթ Բաբայանը տեղեկություններ հաղորդեց Արցախի իրավիճակից

Պուտին. Լեռնային Ղարաբաղում հրադադարի ռեժիմի երաշխավորը ռուս խաղաղապահներն են

Search