Նախօրեին Արցախի Հանրապետության ՆԳ նախարար Կարեն Սարգսյանի հրամանով համագործակցության համար պարգևների են արժանացել առողջապահության ոլորտի մի խումբ բուժաշխատողներ։
ՆԳ նախարարությունում պարգևատրման արարողություն է կազմակերպվել
ՍՏԵՓԱՆԱԿԵՐՏ, 27 հուլիսի, ԱՐՑԱԽՊՐԵՍ։ «Արցախպրես»-ի թղթակցի հաղորդմամբ՝ միջոցառմանը մասնակցել են ՆԳ նախարարի առաջին տեղակալ Սամվել Պետրոսյանը, ԱԻՊԾ տնօրեն Մեխակ Արզումանյանը, առաջին տեղակալ Գառնիկ Ավագիմյանը, ոստիկանության պետի առաջին տեղակալ Նորայր Բաբայանը, ոստիկանության պետի տեղակալ Վրույր Խաչատրյանը, ՆԳՆ համակարգի ծառայողներ:
ՆԳ նախարար Կարեն Սարգսյանը իր ելույթում կատարած հերոսական աշխատանքի համար երախտագիտություն է հայտնել առողջապահության ոլորտի ամբողջ անձնակազմին՝ նախարար Միքայել Հայրիյանի գլխավորությամբ:
«2020 թվականին Արցախի դեմ սկսված լայնածավալ ռազմական գործողությունների ընթացքում առողջապահության ոլորտն ակտիվորեն համագործակցում էր նաև ԱԻ պետական ծառայության և ոստիկանության համակարգի հետ: Համագործակցությունը Ոստիկանության և փրկարար ուժերի միջև շատ մեծ արդյունքներ է արձանագրել բժշկական տարբեր հաստատություններում։ Պատերազմից հետո մեր աշխատանքը դեռ չի ավարտվել. մինչ այսօր ամեն օր այն շարունակվում է, ինչը այդ գերատեսչությունների ղեկավարների շնորհիվ է»,- նշել է Կ.Սարգսյանը։
«Համագործակցության ամրապնդման համար» մեդալով պարգևատրվել են ԱՀ առողջապահության նախարար Միքայել Հայրիյանը, ԱՀ ԱՆ «Հանրապետական բժշկական կենտրոն» ՓԲԸ ամբուլատոր-պոլիկլինիկական ծառայության ճառագայթային ախտորոշման բաժանմունքի բժիշկ Հայկ Դանիելյանը, «Մոր և մանկան առողջության պահպանման կենտրոն» ՓԲԸ գործադիր տնօրենի բուժօգնության գծով տեղակալ Արթուր Մարությանը, «Արևիկ» բուժմիավորում ՓԲԸ գործադիր տնօրեն Սամվել Մելքումյանը, բժիշկ Էդուարդ Հակոբյանը:
«Համագործակցություն հանուն փրկության» մեդալով պարգևատրվել են «Հանրապետական բժշկական կենտրոն» ՓԲԸ գործադիր տնօրեն, ՆԳՆ ոստիկանության բժշկական ծառայության բաժնի բժիշկ-թերապևտ Մհեր Մուսայելյանը, վերակենդանացման բաժանմունքի անեսթեզիոլոգ-ռեանիմատոլոգ Վլադիմիր Մուսայելյանը, վերակենդանացման բաժանմունքի պլաստիկ վիրաբույժ և միկրովիրաբույժ Իգոր Զաքարյանը, վիրաբույժ Կարեն Բազյանը և «Դատաբժշկական փորձաքննության բյուրո» ՊՈԱԿ-ի տնօրեն Նելսոն Գրիգորյանը, ՊԲ N զորամասի ախտորոշման բաժանմունքի ֆունկցիոնալ ախտորոշման կաբինետի պետ, մայոր Շալիկո Վարդանյանը և հրամանատարի բուժգծով տեղակալ, մայոր Դավիթ Գրիգորյանը:
Հուշանվերներով պարգևատրվել են ԱՀ ՆԳ նախարարության ԱԻ պետական ծառայության ՓՈՒՎ արագ արձագանքման հատուկ ստորաբաժանման առաջին օպերատիվ խմբի բուժակ-փրկարար Ալեքսանդր Աղաջանյանը, «Հանրապետական բժշկական կենտրոն» ՓԲԸ ամբուլատոր-պոլիկլինիկական ծառայության ճառագայթային ախտորոշման բաժանմունքի վարիչ Ռենա Սահակյանը, «Մոր և մանկան առողջության պահպանման կենտրոն»-ի անեսթեզիոլոգ-ռեանիմատոլոգ Անահիտ Ավանեսյանը, ոստիկանության բժշկական ծառայության բաժնի ակնաբույժ՝ Ռուբեն Պողոսյանը, վնասվածքաբան-օրթոպեդ Կարեն Դավթյանը, ուրոլոգ՝ Գերոգի Միրզոյանը, «Ստեփանակերտի շտապ բժշկական օգնության կայան» ՓԲԸ տնտեսվար Արկադի Ղազարյանը և վարորդ՝ Գրիգորի Բաղդասարյանը, «Համաճարակաբանության և հիգիենայի կենտրոն» ՊՈԱԿ-ի վարորդ՝ Վյաչեսլավ Գրիգորյանը, ՆԳՆ ոստիկանության բժշկական ծառայության բաժնի պետ, փոխգնդապետ Դավիթ Իշխանյանը:
Միջոցառմանը բուժաշխատողներին արժանին մատուցելու և ուշադրության արժանացնելու համար ՆԳՆ համակարգին շնորհակալություն է հայտնել առողջապահության նախարար Միքայել Հայրիյանը: «Այս պատերազմը մեզ բոլորիս խառնել էր իրար, բայց մեկս մյուսիս օգնելով ու աջակցելով արեցինք հնարավոր ու անհնարին ամեն ինչ։ Պետք է այսօր էլ շարունակենք մեր համագործակցությունը, լինենք ուժեղ, մեջք մեջքի, ուս ուսի տալով հասնենք ցանկալի արդյունքի»,- նշել է Մ. Հայրիյանը։