Արցախում ռուսական խաղաղապահ զորակազմի հումանիտար արձագանքման կենտրոնի մասնագետները հասցեական օգնություն են հատկացրել Ստեփանակերտում բնակվող հարկադիր տեղահանված անձանց և բազմազավակ ընտանիքներին:
Արցախում ռուս խաղաղապահները հասցեական օգնություն են տրամադրել հարկադիր տեղահանվածներին . ՌԴ ՊՆ
ՍՏԵՓԱՆԱԿԵՐՏ, նոյեմբերի 1, ԱՐՑԱԽՊՐԵՍ։ Այս մասին ասվում է ՌԴ ՊՆ տեղեկագրում, փոխանցում է tert.am-ը։
«Հումանիտար արձագանքման մասնագետները հասցեական հումանիտար օգնություն են տրամադրել հարկադիր տեղահանված 11 ընտանիքի, այդ թվում՝ բազմազավակ և սահմանափակ կարողությամբ երախաներ ունեցող ընտանիքներին: Գույքը տրամադրվել է «Մերսի» բարեգործական կազմակերպությունների ասոցիացիայի կողմից»,- հայտնել է խաղաղապահ զորակազմի ներկայացուցիչ Դմիտրի Տուսիդին՝ հավելելով, որ ամեն մի ընտանիքի անհատական մոտեցում է դրսևորվում:
Բնակիչներին տրամադրվում են առաջին անհրաժեշտության իրեր՝ հագուստ և կոշիկ երեխաների և մեծահասակների համար, լվացքի փոշի, խոհանոցային պարագաներ, սննդային փաթեթներ, սպիտակեղեն, բարձեր, ծածկոցներ, անձնական հիգիենայի պարագաներ, խաղալիքներ:
Ընդհանուր առմամբ, 2020 թվականի նոյեմբերից ի վեր հումանիտար օգնություն և բուժօգնություն է հատկացվել ավել քան 6700 կարիքավոր բնակչի:
