Արցախի Հանրապետության դատական համակարգի պահպանման ծախսերը 2022թ.-ին նախատեսվել են 738 մլն 837 հազ ՀՀ դրամի չափով, որը 2021 թ. բյուջեի համեմատ աճել է 13,4 տոկոսով ՝պայմանավորված աշխատավարձերի բնականոն աճով:
Ի՞նչ բյուջետային ծախսեր են նախատեսվում գալիք տարի. Խորհրդարանում այսօր քննարկումները բուռն էին
ՍՏԵՓԱՆԱԿԵՐՏ, 2 դեկտեմբերի, ԱՐՑԱԽՊՐԵՍ: «Արցախպրես»-ի փոխանցմամբ՝ այս մասին այսօր՝ դեկտեմբերի 2-ին, հատարարվել է ԱՀ Ազգային ժողովի նիստում, որտեղ քննարկվել է «ԱՀ 2022թ. պետական բյուջեի մասին» օրենքի նախագծում նախատեսված իշխանության պետական, տեղական ինքնակառավարման, դատական մարմինների և դատախազության ֆինանսավորման հարցը:
Իսկ ԱՀ դատախազության 2022թ. պլանավորվող բյուջեի ընդհանուր ծախսը կազմում է 593 մլն 662,300 հազ ՀՀ դրամ, որը ընթացիկ տարվա համեմատությամբ նվազել է 35 մլն 8,2 հազ դրամով: Նվազումը պայմանավորված է հաստիքացուցակի փոփոխությամբ: Ընդհանուր ծախսի՝ 593 մլն 662,300 հազ ՀՀ դրամի մեջ աշխատավարձի ֆոնդը կազմում է 527մլն 760,400 հազ ՀՀ դրամ կամ 88,9 տոկոսը: 2022թ. բյուջեն պլանավորելիս դատախազությունը մնացած բոլոր հոդվածներում ծախսի նվազեցում է ապահովել:
Արդարադատության նախարարության 2022թ. պետական բյուջեն կկազմի 467 մլն 390հ ազ ՀՀ դրամ, որը գերազանցում է նախորդ տարվա բյուջեն 8 1մլն 551,400 հազ ՀՀ դրամով կամ 21,1 տոկոսով: Ավելացումը կրկին պայմանավորված է աշխատավարձի ֆոնդի բնականոն աճով:
Քննչական կոմիտեի ապարատի 2022 թ-ի ծախսը նախատեսվում է 470 մլն 686,800 հազ ՀՀ դրամի չափով: 2021թ-ի համեմատ գումարն աճել է 115 մլն 771,6 հազ ՀՀ դրամով՝ հաշվի առնելով գործակիցների աճն ու աշխատավարձերի բարձրացումը։
Իսկ հաշվեքննիչ պալատի 2021 թվականի ծախսը կկազմի 194 մլն 83,9 հազ ՀՀ դրամ, որը աճել է նախորդ տարվա նախատեսվածից 39 մլն 702,3 հազ ՀՀ դրամով:
Մարդու իրավունքների պաշտպանի աշխատակազմին 2022թ.-ին հատկացվելիք գումարը կկազմի 78մլն 267,900 հազ ՀՀ դրամ, որը նախորդ տարվա համեմատ աճել է 14 մլն 571,400 հազ ՀՀ դրամով: ՄԻՊ գործառույթների կատարման արդյունավետության ապահովման նպատակով աշխատակազմի կողմից ձևավորվել է նոր հոդված ՝մասնագիտական զարգացման ծառայություններ, որ իրականացման համար կտրամադրվի 400 հազ դրամի չափով գումար։
Քաղծառայության խորհրդի՝ 2022թ-ի պահպանման ծախսերը ավելացել են 20 մլն 267 հազ ՀՀ դրամով՝ կազմելով 123մլն 945 հազ ՀՀ դրամ,կառավարության կողմից սահմանված կադրերի ռեզերվի /կարճաժամկետ/ գումարը կազմում է 150 մլն դրամ, վերապատրաստման համար՝ 16 մլն ՀՀ դրամ, ՄՌԿՏՀ –ի համար՝ 1 մլն ՀՀ դրամ։
Կենտրոնական ընտրական հանձնաժողովի՝ 2022թ բյուջեի ծախսը կկազմի 88 մլն 347,5 հազ ՀՀ դրամ, որն աճել է 11 մլն 904,5 հազ դրամով։
Զեկուցողները պատասխանել են պատգամավորների առաջադրած հարցերին:
Նիստին ներկա էին ԱԺ նախագահ Արթուր Թովմասյանը, ԱԺ նախագահի տեղակալ Գագիկ Բաղունցը, պատգամավորներ, ֆինանսների նախարարի տեղակալ Նորայր Ավանեսյանը: