Artsakhpress

Միջազգային

Թուրքիայի փոխնախագահը խոսել է Արցախյան պատերազմում իրենց հետախուզության ակտիվ դերի մասին

Թուրքիայի փոխնախագահ Ֆուաթ Օքթայն ասել է, որ Ազգային հետախուզական կազմակերպությունը (MIT) ակտիվ դեր է խաղացել 2020 թվականին Լեռնային Ղարաբաղի պատերազմում՝ օգնելով «ձևավորել ուժերի հավասարակշռությունը»:

Թուրքիայի փոխնախագահը խոսել է Արցախյան պատերազմում իրենց հետախուզության ակտիվ դերի մասին

Թուրքիայի փոխնախագահը խոսել է Արցախյան պատերազմում իրենց հետախուզության ակտիվ դերի մասին
ՍՏԵՓԱՆԱԿԵՐՏ, 4 դեկտեմբերի, ԱՐՑԱԽՊՐԵՍ։ Sputnik Արմենիայի փոխանցմամբ, այս մասին գրում է Nordic Monitor-ը։
 
Նոյեմբերի 26-ին խորհրդարանի պլանավորման և բյուջետային հանձնաժողովում նա ներկայացրել է նախագահին առընթեր պետական մարմինների տարեկան գործունեությունը։ Նշելով, որ MIT-ը երկրի համար հպարտություն է` Օքթայը պատգամավորներին ասել է, որ կազմակերպությունը մեծ ծառայություն է մատուցել Թուրքիային արտերկրում իր գործունեությամբ։
 
«Շատ տարածաշրջաններում, օրինակ` Սիրիայում, Լիբիայում, Լեռնային Ղարաբաղում և Աֆղանստանում, կազմակերպությունը կարևոր աշխատանք է կատարել, որը պաշտպանում է մեր ազգային շահերը և տեղում հավասարակշռություն է կազմում հօգուտ մեր երկրի՝ մեր պետական քաղաքականությանը համապատասխան», - ասել է նա։
 
Օքթայի խոսքով` Թուրքիան ոչ միայն «ահաբեկչական կազմակերպությունների» դեմ է հաջող գործողություններ իրականացրել, այլ նաև հասել է բազմաթիվ հաջողությունների՝ սկսած «Ղարաբաղի 30-ամյա օկուպացիայի» ավարտից մինչև վերջ «Լիբիայում լեգիտիմության համար պայքար»։
 
Ըստ լրատվամիջոցի` ոչ մեկի համար գաղտնիք չէ, որ Թուրքիան ռազմական աջակցություն է ցուցաբերել իր դաշնակից Ադրբեջանին, սակայն երբեք պաշտոնական հայտարարություններ չէին եղել պատերազմի ժամանակ թուրքական հետախուզության մասնակցության մասին։ Ընդհակառակը` համառորեն հերքվում էր MIT-ի մասնակցությունը։
 
Հիմնական պատճառն այն մեղադրանքն էր, որ MIT-ը Սիրիայում իր վերահսկողության տակ գտնվող ջիհադիստ գրոհայիններին է ուղարկել Լեռնային Ղարաբաղ։
 
Հոդվածում, մասնավորապես, հիշեցվում է, որ ՌԴ արտաքին հետախուզության ծառայության ղեկավար Սերգեյ Նարիշկինը 2020 թվականի նոյեմբերի 6-ին տված հարցազրույցում հիշատակել էր Լեռնային Ղարաբաղում թուրքական հետախուզական գործակալության մասին։ Նա նաև պնդել էր, որ Մոսկվան ստացել է հաստատված տեղեկություններ մարտի դաշտում սիրիացի վարձկանների ներգրավման մասին՝ անուղղակիորեն հղում անելով MIT-ին:
 
Հայաստանը մշտապես պնդում է, որ օտարերկրյա զինյալները Սիրիայից և Լիբիայից Ղարաբաղ են բերվել թուրքական հետախուզության միջոցով, և որ նրանք ռազմական հանցագործություններ են կատարել Արցախի ժողովրդի դեմ։
 
The Nordic Monitor-ը գրում է, որ հայկական սփյուռքի կազմակերպությունները շարունակում են հետաքննել, թե MIT-ի որ գործակալներն են ներգրավված եղել անցյալ տարվա հակամարտության մեջ՝ Թուրքիայի և Ադրբեջանի դեմ ռազմական հանցագործությունների վերաբերյալ Միջազգային քրեական դատարան բողոք ներկայացնելու համար:

     

Քաղաքական

Տնտեսական

Հասարակական

Ռազմական

Տեսանյութեր

ավելին

Ամենադիտված

ամիս

շաբաթ

օր

Նախագահ Հարությունյանը հաստատել է ԱՀ Կառավարության որոշումներ՝ դրամական աջակցության տրամադրման մասին

Որոշ սոցիալական խմբերի տրամադրվող սոցվճարների չափերը բարձրացվել են

Երկրաշարժ Հայաստանում. Այն զգացվել է նաև Ստեփանակերտ քաղաքում

Կյանքից հեռացել է վաստակավոր բժիշկ Բրինա Մարությանը

Ադրբեջանցիները Շուշիի Կանաչ ժամի տարածքում ճաշարան են կառուցել (տեսանյութ)

Շուշիից արձակված անկանոն կրակոցներից հայկական կողմը տուժածներ չունի. փորձագետ

Ադրբեջանի ԶՈՒ-ն վերսկսել է կրակը արևելյան ուղղությամբ տեղակայված դիրքերի ուղղությամբ. հայկական կողմն ունի 3 վիրավոր. ՀՀ ՊՆ

Հայաստան-Ադրբեջան սահմանի սահմանազատումը Ղարաբաղին չի վերաբերում. Լավրով

Ադրբեջանցիներն առևանգել են Տեղ համայնքի հովվին. բանակցություններ են ընթանում

Search