Pfizer-ի և BioNTech-ի պատվաստանյութն օմիկրոն շտամի դեմ կորոնավիրուսի սկզբնական տարբերակի համեմատ 32 անգամ ավելի քիչ արդյունավետություն է ցուցաբերում:
Pfizer-ի պատվաստանյութն օմիկրոն շտամի դեմ 32 անգամ ավելի քիչ արդյունավետ է
ՍՏԵՓԱՆԱԿԵՐՏ, 12 դեկտեմբերի, ԱՐՑԱԽՊՐԵՍ։ Hy.armradio.am-ի փոխանցմամբ, այս մասին գրում է ՏԱՍՍ-ը, ըստ որի այս եզրակացությանն են հանգել Հոնկոնգի համալսարանի և Հոնկոնգի չինական համալսարանի գիտնականների խումբը։
«Մարդկանց մեծամասնությունը [այս պատվաստանյութի երկու չափաբաժիններից հետո] բարձր հակավիրուսային ակտիվություն է ունեցել Sars-CoV-2-ի սկզբնական տարբերակի դեմ, բայց այդ կարողությունը զգալիորեն՝ շուրջ 32 անգամ նվազել է omicron տեսակի նկատմամբ»,- South China Morning Post-ին հայտնել է Հոնկոնգի համալսարանի պրոֆեսոր Մալիկ Պեյրիսը:
Շուտով գիտնականների նույն խումբը մտադիր է ներկայացնել չինական Sinovac ընկերության կողմից արտադրված պատվաստանյութի օմիկրոն շտամի դեմ արդյունավետության վերաբերյալ հետազոտության արդյունքները: Ի դեպ, այս դեղամիջոցը, համեմատած Pfizer-ի և BioNTech-ի պատվաստանյութի հետ, ի սկզբանե հակամարմինների արտադրության առումով համարվում է շատ ավելի քիչ արդյունավետ:
Միևնույն ժամանակ, փորձի մասնակիցներն ընդգծում են, որ պատվաստանյութերը դեռևս ի վիճակի են պաշտպանել մարդկանց Covid-ի ծանր հետևանքներից։
Հոնկոնգի գիտնականներն առաջինն են Ասիայում, ովքեր հաջողությամբ առանձնացրել են կորոնավիրուսի օմիկրոն շտամը կլինիկական նմուշներից:
