Ստեփան Շահումյանի անվան օղակաձև պուրակում նախօրեին վառվեցին տոնածառի լույսերը:
Ստեփանակերտի Ստ․ Շահումյանի անվան պուրակում վառվեցին ամանորյա եղևնու լույսերը
ՍՏԵՓԱՆԱԿԵՐՏ, 25 դեկտեմբերի, ԱՐՑԱԽՊՐԵՍ: «Արցախպրես»-ի թղթակցի հետ զրույցում Ստեփանակերտի քաղաքապետի տեղակալ Սուրեն Թամրազյանը նշեց, որ ի տարբերություն նախորդ տարիների, այս տարի ամանորյա միջոցառումներ չեն իրականացվելու:
«Ամանորյա ավանդական տոնածառի զարդարումն ու բացումը շատ համեստ ենք կատարել, առանց երաժշտության, առանց Ձմեռ պապի և ձյունանուշի, մուլտհերոսների:
Նախևառաջ որոշել ենք, որ Վերածննդի հրապարակում հանրապետության գլխավոր տոնածառը չի տեղադրվելու, որևէ միջոցառում չի իրականացվելու:
Բայց քանի որ Ստեփանակերտում գիշերային լուսավորության խնդիրն արդիական է, ինչպես նաև մեր փոքրիկներին ուրախացնելու համար, որոշել ենք մայրաքաղաքը համալրել լուսային էֆֆեկտներով՝ նրան մի փոքր ամանորյա տեսք հաղորդելով:
Ինչպես նաև, ըստ ավանդույթի, դեկտեմբերի 28-ին և 31-ին մայրաքաղաքում ապրող երեխաներին տրամադրելու ենք ամանորյա նվերներ», - ասաց Ս. Թամրազյանը:
