Ռուսաստանի վարչապետ Դմիտրի Մեդվեդեւը հայտարարել է, թե ծիծաղելի է համարում ԱՄՆ-ին վնասելու համար Apple ընկերության արտադրանքից հրաժարվելը: «Ի՞նչ կապ ունեն Ամերիկայի հետ մեր այսօրվա վեճերն ու այֆոնը:
Մեդվեդեւը չի հրաժարվում Apple-ի արտադրանքից ու չի մոռանում, որ ArmPhone եւ ArmTab Էլ ունի
Ռուսաստանի վարչապետ Դմիտրի Մեդվեդեւը հայտարարել է, թե ծիծաղելի է համարում ԱՄՆ-ին վնասելու համար Apple ընկերության արտադրանքից հրաժարվելը: «Ի՞նչ կապ ունեն Ամերիկայի հետ մեր այսօրվա վեճերն ու այֆոնը:
Այդ դեպքում եկեք հրաժարվենք ներմուծվող բոլոր իրերից, եւ ի՞նչ կունենանք: Հյուսիսային Կորեա՞: Դա մեր ճանապարհը չէ»,- հայտարարել է Մեդվեդեւը՝ պատասխանելով «Կոմսոմոլսկայա պռավդա»-ի լրագրողների այն հարցին, թե նա չի պատրաստվում արդյոք երկու երկրների միջեւ հարաբերությունների սրվելու կապակցությամբ հրաժարվել ամերիկյան գաջեթներից:
«Ընդհակառակը, ես այն կարծիքին եմ, որ ոչ մենք, ոչ ամերիկացիները, ոչ Էլ եվրոպացիները չպետք է որեւէ բանից հրաժարվենք: Apple-ի արտադրանքից հրաժարվելու օգնությամբ ամերիկացիներին վնասելը ծիծաղելի է»,- հավելել է վարչապետը: Ընդսմին, նրա խոսքով, ինքն ունի iPhone-ի եւ iPad-ի հայկական անալոգները: «Հայաստանի գործընկերներն ինձ նվիրել են ArmPhone եւ ArmPad (հայկական ընկերությունն իր արտադրանքն անվանել է ArmTab-խմբ.)»,- ասել է Մեդվեդեւը՝ հավելելով, որ դրանք իր աշխատասենյակում չեն: