«Հարկերի մասին» օրենքի 30.1-ին հոդվածի համաձայն` հրապարակվել է Արցախի առաջին 300 խոշոր հարկ վճարողների (առևտրային կազմակերպությունների և անհատ ձեռնարկատերերի) ու նրանց կողմից ֆինանսական տարվա սկզբից վճարված հարկերի մեծությունների ցանկը:
Խոշոր հարկատուների` պետական բյուջե կատարած վճարումները կազմում են բյուջեի ավելի քան 72 տոկոսը. ՊԵԿ
ՍՏԵՓԱՆԱԿԵՐՏ, 26 հունվարի, ԱՐՑԱԽՊՐԵՍ:Այս մասին «Արցախպրես»- ին տեղեկացնում են ԱՀ պետական եկամուտների կոմիտեից։ Աղբյուրը տեղեկացնում է, որ Հանրապետության 300 խոշոր հարկատուները այս տարվա ընթացքում պետական բյուջե են վճարել շուրջ 24 մլրդ 892 մլն դրամի հարկեր, տուրքեր և այլ պարտադիր վճարներ, որը կազմում է պետական բյուջեի ընդհանուր մուտքերի 72.7 տոկոսը:
Հրապարակված ցանկում 1-ին եռյակը «Բեյզ Մեթըլս», «Կապավոր» և «Ղարաբաղ Տելեկոմ» ընկերություններն են՝ վճարած շուրջ 12 մլրդ 252.2 մլն դրամ ընդհանուր գումարով:
