Համաձայն Հարավային Կովկասի շվեյցարական հիմնադրամի տնօրեն Ֆիլիպ Էգգերի հետ ձեռք բերած պայմանավորվածության` աշխատանքներ են տարվում Վանքի տեղամասային հիվանդանոցը անհրաժեշտ բժշկական սարքավորումներով համալրելու հարցում:
2021թ. աշխատանքներ են տարվել բուժհիմնարկների շենքային պայմանների բարելավման ուղղությամբ. Միքայել Հայրիյան
ՍՏԵՓԱՆԱԿԵՐՏ, հունվարի 31, ԱՐՑԱԽՊՐԵՍ։ Այն ավարտելուց հետո ծրագիրը կունենա շարունակություն այլ համայնքներում:
«Արցախպրես»-ի թղթակցի հաղորդմամբ՝ այս մասին այսօր տեղի ունեցած ամենամյա մամուլի ասուլիսի ժամանակ ասել է առողջապահության նախարար Միքայել Հայրիյանը:
«Աշխատանքներ են տարվել բուժհիմնարկների շենքային պայմանների բարելավման ուղղությամբ: Ավարտվում է Մոր և մանկան առողջության պահպանման կենտրոնի նոր շենքի շինարարությունը, հաստատված է գույքի ու սարքավորումների ցանկը և հետևողական աշխատանքների արդյունքում բացումը նախատեսվում է առաջիկայում: 2021թ.-ին ԿԽՄԿ-ի կողմից կապիտալ վերանորոգվել և համապատասխան գույքով ու սարքավորումներով վերազինվել են Մարտակերտի և Մարտունու շրջանային բուժմիավորումների անհետաձգելի բուժօգնության բաժանմունքները: «Բժիշկներ առանց սահմանների» կազմակերպության աջակցությամբ վերանորոգվել է առողջապահության նախարարության բժշկական պահեստի առաջին մասնաշենքը, որը համալրվել է նաև համապատասխան սառնարաններով: Վերանորոգումը իրականացվել է պետական աջակցությամբ: Աշխատանքներ են տարվել Ք. Քոքսի անվան վերականգնողական կենտրոնի շենքային պայմանների բարելավման, այդ թվում` շենքի նկուղային հարկում նոր ամբուլատոր բաժանմունքի ստեղծման ուղղությամբ, որը վերանորոգվել է ԿԽՄԿ-ի աջակցությամբ, համալրվել նոր սարքավորումներով` Հայկական բժշկական հիմնադրամի և ՀՀ ազգային ժողովի «Հայաստան» խմբակցության հովանավորությամբ», - նշել է Մ. Հայրիյանը: