2021 թվականի մայիսի 19-ից Ստեփանակերտում աղջիկների համար անց են կացվում պարապմունքներ «կիոկուշին կարատե» մարզաձևից։
Ստեփանակերտում աղջիկների համար կիոկուշին կարատեի պարապմունքներ են անցկացվում(լուսանկարներ)
ՍՏԵՓԱՆԱԿԵՐՏ, փետրվարի 12, ԱՐՑԱԽՊՐԵՍ։ Պարապմունքները կազմակերպվում են Ստեփանակերտի համար 1 միջնակարգ դպրոցում։
«Պարապմունքների սկզբնական փուլում թիմում ընդգրկված էր շուրջ 40 աղջիկ։
Համավարակի ստեղծած իրավիճակով պայմանավորված`մասնակիցների թիվը նվազեց։ Այսօր թիմն ունի տասներեք անդամ։ Նրանք մեծ հաճույքով են մասնակցում պարապմունքներին և իրենց ապագան տեսնում են սպորտի ոլորտում։ Ընդունելությունը կազմակերպվում է չորս տարեկանից՝ առանց տարիքային սահմանափակման»,-«Արցախպրես»-ի թղթակցի հետ զրույցում ասել է մարզիչ Ծովինար Ավանեսյանը։
17-ամյա Անգելինա Տոնյանը, ով 44-օրյա պատերազմից հետո տեղահանվել է ԱՀ Հադրութի շրջանի Դրախտիկ գյուղից, մեզ հետ զրույցում անկեղծացել է ՝ մեծ հաճույքով է մասնակցում պարապմունքներին։
«Միշտ երազում էի որևէ սպորտաձևով զբաղվել, սակայն մեր գյուղում չկային նման հնարավորություններ։Պատերազմից հետո, երբ ստեղծվեց այս թիմը, որոշեցի ընդգրկվել պարապմունքներին»,-ասել է Ա. Տոնյանը։
