Artsakhpress

Հասարակական

Ստեփանակերտում կայացավ «Արցախյան հիմնախնդիրը և Արցախի Հանրապետության արտաքին քաղաքականությունը» գրքի շնորհանդեսը

Այսօր՝ հուլիսի 6-ին, Ստեփանակերտի Վալլեքս Գարդեն հյուրանոցային համալիրի դահլիճում տեղի է ունեցել Արցախի Հանրապետության Արտաքին գործերի նախարարության հրատարակած՝ «Արցախյան հիմնախնդիրը և Արցախի Հանրապետության արտաքին քաղաքականությունը» գրքի շնորհանդեսը:

Ստեփանակերտում կայացավ «Արցախյան հիմնախնդիրը և Արցախի Հանրապետության արտաքին քաղաքականությունը» գրքի շնորհանդեսը

Ստեփանակերտում  կայացավ  «Արցախյան հիմնախնդիրը և Արցախի Հանրապետության արտաքին քաղաքականությունը» գրքի շնորհանդեսը

ՍՏԵՓԱՆԱԿԵՐՏ, հուլիսի 6, ԱՐՑԱԽՊՐԵՍ։ «Արցախպրես»-ի թղթակցի հետ զրույցում ԱՀ ԱԳ նախարար Դավիթ Բաբայանն ասել է, որ գրքի ստեղծման համար նախարարության անձնակազմն աշխատել է մոտ մեկ տարի:

Բնութագրությունը հասանալի չէ

Արտգործնախարարի խոսքով՝ գիրքը բաղկացած է երեք հիմնական մասից:

Բնութագրությունը հասանալի չէ

Առաջինը պատմական անդրադարձն է, որտեղ ներառված են պատմական անհրաժեշտ, կարևոր հասկացություններ թե´ Արցախի, և   թե´ Ադրբեջանի վերաբերյալ:
Երկրորդ մասն առընչվում է հակամարտությանը, նրա կարգավորման գործընթացի տարբեր ասպեկտներին: Երրորդում երկայացված են Արցախի Հանրապետության արտաքին քաղաքականության հիմնադրույթները, այն երկրներն ու նրանց միավորումները, որոնք ճանաչել են Արցախի Հանրապետությունը և տարբեր բանաձևեր են ընդունել ի սատար Արցախի:

Հատուկ ընդգծված է խորհրդարանական դիվանագիտության կարևորությունը: Աշխատությունն օգտակար տեղեկություններ, փաստեր և խորհրդատվություն է պարունակում հասարակական, քաղաքական, գիտակրթական ոլորտների և տեղեկատվական դաշտի ներկայացուցիչների համար:

Բնութագրությունը հասանալի չէ

«Հակառակորդի կողմից տեղեկատվական պատերազմը շարունակվում է և էլ ավելի է ուժեղանալու մոտակա տարիների ընթացքում: Մենք պետք է կարողանանք պատշաճ ձևով պատասխանել նրա փաստարկներին և պատրաստ լինել ըստ ամենայնի պահպանել և պաշտպանել մեր դիրքերը»,-նշել է Դ. Բաբայանը:

Նա ընդգծել է, որ աշխատության նյութերը ներկայացված են փաստերի և խորհուրդների տրամաբանությամբ, ինչը թույլ է տալիս առավել համապարփակ պատկերացում կազմել շոշափվող թեմաների վերաբերյալ։

Կարևորելով աշխատությունն արտասահմանյան ընթերցողներին հասանելի դարձնելը` արտաքին գերատեսչության ղեկավարը տեղեկացրեց, որ շուտով լույս կընծայվի ռուսերեն տարբերակը, որի ուղղությամբ աշխատանքներն արդեն ընթացքում են:

Բնութագրությունը հասանալի չէ

Նախատեսվում է նաև անգլերեն, ֆրանսերեն, գերմաներեն և իսպաներեն տարբերակների տպագրությունը, ինչն, ըստ Դ. Բաբայանի, կարող է ծառայել քաղաքական գործիչներին ու պետական կառույցների ներկայացուցիչներին՝ արտաքին լսարանի հետ շփումներում օգտագործելու համար:

Բնութագրությունը հասանալի չէ

ԱՀ Ազգային ժողովի նախագահ Արթուր Թովմասյանը, կարևորելով ու արժևորելով աշխատությունը, համոզմունք է հայտնել, որ այն օգտակար է նաև երիտասարդների համար, ովքեր ցանկանում են զբաղվել քաղաքականությամբ:

Բնութագրությունը հասանալի չէ

ԱՀ պետնախարար Արտակ Բեգլարյանն էլ, ողջունելով նախաձեռնությունը, կարևորեց աշխատությունը` որպես ուղեցույց, որն անհրաժեշտ է ոչ միայն սկսնակների, այլև՝ գործող պետական, քաղաքական գործիչների համար:

«Կարևոր է տեղյակ լինել նախապատմությանը, բոլոր առանձնահատկություններին, փաստերին ու փաստաթղթերին, պետական դիրքորոշումներին, որպեսզի կարողանանք համակարգված գործողություններ կատարել և դիրքորոշումներ հայտնել, ինչպես նաև ամբողջության մեջ նույն լեզվով խոսել ու նույն եզրույթաբանությունն օգտագործել»,-ասել է Ա. Բեգլարյանը:

Բնութագրությունը հասանալի չէ

ԱՀ նախագահի խորհրդական Լուսինե Ղարախանյանն իր հերթին շեշտել է գրքում զետեղված տեղեկատվությունն արտաքին ու համապատասխան հարթակներում տարածելու և ինֆորմացիայի քարոզչության դաշտում թիմային աշխատանքի անհրաժեշտությունը:

Բնութագրությունը հասանալի չէԱՀ նախագահի աշխատակազմի Տեղեկատվության գլխավոր վարչության պետ-աշխատակազմի ղեկավարի տեղակալ Վահրամ Պողոսյանն ընդգծել է արտգործնախարարության աշխատության նշանակությունը տեղեկատվական դաշտում, որի կարևորությունն ավելի է մեծանում` պայմանավորված ստեղծված իրավիճակով:
«Հանրային դիսկուրսի է դրվել, թե ինչ է քննարկվել արցախյան հակամարտության բանակցային գործընթացում, և, ընդհանրապես, կապված ԵԱՀԿ Մինսկի խմբի գործունեության հետ: Ես կարծում եմ, որ այս աշխատությունը շատ լավ հնարավորություն է առաջին հերթին ծանոթանալու մեր ոչ հեռավոր անցյալին, թե ինչ է կատարվել, ինչ է քննարկվել , և, ըստ այդմ, կատարելու անհրաժեշտ հետևություններ»,-հավելել է Վ. Պողոսյանը:

«Արցախյան հիմնախնդիրը և Արցախի Հանրապետության արտաքին քաղաքականությունը» գիրքը տպագրվել է բարերարների աջակցությամբ:

Գլխավոր խմբագիրը ԱՀ ԱԳ նախարար, պատմական գիտությունների դոկտոր Դավիթ Բաբայանն է:


     

Քաղաքական

Հասարակական

Ռազմական

Տեսանյութեր

ավելին

Ամենադիտված

ամիս

շաբաթ

օր

Արցախի հյուսիսային և հյուսիսարևմտյան սահմանագոտու մի շարք հատվածներում ադրբեջանական ստորաբաժանումները դիմել են սադրանքի. ՊԲ

Հանրապետությունում հայտարարվել է մասնակի զորահավաք  

Անհանգստանալու եւ խուճապի մատնվելու կարիք չկա. միայն խնդրում եմ հետեւել բացարձակապես պաշտոնական լրահոսին եւ սադանքների չտրվել

Ադրբեջանական սադրանքի հետևանքով հայկական կողմն ունի մեկ վիրավոր. նրա վիճակը գնահատվում է բավարար

Թշնամու հարվածային ԱԹՍ-ի կիրառումից մահացու վիրավորում է ստացել մեկ զինծառայող. կան վիրավորներ. ՊԲ

Ինչպե՞ս կկազմակերպվի երթևեկությունն այլընտրանքային ճանապարհով. Հայկ Խանումյանը մանրամասներ է ներկայացրել

Մեկնարկել է 40 հազար դրամի չափով աջակցության հայտերի ընդունումը

Արցախի այս կամ այն հատվածում ընթացող թեժ մարտերի մասին շրջանառվող տեղեկություններն իրականությանը չեն համապատասխանում. ՊԲ

Նախագահ Հարությունյանն ուժային կառույցների պատասխանատուների մասնակցությամբ խորհրդակցություն է հրավիրել

Search