Այսօր՝ սեպտեմբերի 8-ին, Ստեփանակերտի հ. 6 հիմնական դպրոցում տեղի է ունեցել 2021-2022 թթ. ՀՀ և Եվրոպայի առաջնություններում մրցանակային տեղեր գրաված արցախցի պատանիների և աղջիկների բասկետբոլի թիմերի պարգևատրման հանդիսավոր արարողություն:
Կայացել է ՀՀ և Եվրոպայի առաջնությունների մրցանակակիր արցախցի բասկետբոլիստների պարգևատրման արարողություն
ՍՏԵՓԱՆԱԿԵՐՏ, 8 սեպտեմբերի. ԱՐՑԱԽՊՐԵՍ: «Արցախպրես»-ի թղթակցի հաղորդմամբ՝ Ստեփանակերտի մանկապատանեկան մարզադպրոցում գործում է 17 խումբ, որտեղ պարապում են 230 պատանի և աղջիկ՝ 9 մարզչի գլխավորությամբ:
ՀՀ-ում անցկացված 2021-2022թթ. մրցաշրջանի բասկետբոլի առաջնության բոլոր մասնակիցները պարգևատրվել են պատվոգրերով և մեդալներով:
Մանկապատանեկան մարզադպրոցի մարզիչ Անդրեյ Սարումյանը մեզ հետ զրույցում ասել է, որ արցախցի մարզիկներին հաջողվել է հաղթել համառ ջանքերի շնորհիվ:
«Առաջնությունը մեկնարկել է 2021 թվականի սեպտեմբերից:
Մրցապայքարում ընդգրկված էր 8 թիմ, իսկ ընդհանուր խաղացել ենք 14 խաղ:
Դրանցից 12-ը հաղթել ենք, կրել՝ երկու պարտություն, բայց ընդհանուր միավորներով գրավել ենք առաջին տեղը:
Երկար տարիներ է ինչ աշխատում ենք տղաների հետ, բայց աննախադեպ է, որ մինչև 14 տարեկան տարիքային խումբը գրավում է առաջի տեղ»,- մանրամասնել է մարզիչը:
Նրա հավաստմամբ՝ բասկետբոլի զարգացմանը մեծ աջակցություն են ցուցաբերում ԱՀ ԿԳՄՍ նախարարությունը, Ստեփանակերտի քաղաքապետարանը և ԱՀ բասկետբոլի Ֆեդերացիան:
