Թեհրանում Ռուսաստանի դեսպանատունը ռուսներին խորհուրդ է տվել զերծ մնալ մարդաշատ վայրերից։
Իրանում Ռուսաստանի դեսպանատունը հորդորում է ռուսաստանցիներին խուսափել մարդաշատ վայրերից
ՍՏԵՓԱՆԱԿԵՐՏ, 4 հոկտեմբեր, ԱՐՑԱԽՊՐԵՍ։ SHANTNEWS.am-ի փոխանցմամբ, այս մասին հոկտեմբերի 4-ին հայտնել են դիվանագիտական ներկայացուցչությունից։
Մինչ օրս Իրանում տեղի ունեցող անկարգությունների ընթացքում ՌԴ քաղաքացիների հետ լուրջ միջադեպեր չեն գրանցվել, նշել են դեսպանատնից։
«Մենք մշտական կապի մեջ ենք մեր հայրենակիցների հետ, պատասխանում ենք հարցումներին», – ՏԱՍՍ-ին հայտնել են դեսպանատնից:
Իրանում արդեն երրորդ շաբաթը չեն հանդարտվում հազարավոր բողոքի ցույցերը, որոնք սկիզբ են առել 22-ամյա Մահսա Ամինիի մահից հետո։
Իրանցիները պահանջում էին կառավարության հրաժարականը։ Գործողությունները վերածվել են ոստիկանության հետ բախումների, որոնց հետևանքով զոհվել է ավելի քան 100 մարդ, տասնյակ մարդիկ վիրավորվել են։
Սեպտեմբերի 22-ին ԱՄՆ իշխանությունները պատժամիջոցներ են սահմանել Իրանի ոստիկանության դեմ՝ կապված Ամինիի մահվան հետ, ով մահացել է ոստիկանության կողմից բերման ենթարկվելուց հետո։
Ընդհանուր առմամբ սահմանափակումների են ենթարկվել Իրանի իրավապահ մարմինների յոթ ղեկավարներ։ Դրանք ներդրվել են երկրում վերջերս տեղի ունեցած անկարգությունների ժամանակ ցուցարարների նկատմամբ ուժ կիրառելու պատճառով։
