Artsakhpress

Հասարակական

Նախագահ Հարությունյանն ուղերձ է հղել «Արցախյան հիմնախնդիրը արդի քաղաքական գործընթացների հոլովույթում» գիտագործնական համաժողովի մասնակիցներին

Արցախի Հանրապետության նախագահ Արայիկ Հարությունյանը ուղերձ է հղել այսօր՝ նոյեմբերի 26-ին, Ստեփանակերտում կայացած «Արցախյան հիմնախնդիրը արդի քաղաքական գործընթացների հոլովույթում» գիտագործնական համաժողովին՝ կարևորելով համաժողովի խորագիրը և վստահություն հայտնելով, որ այն կարող է ծառայել որպես արդի աշխարհաքաղաքական գործընթացների քննարկման, համապատասխան ելքերի և լուծումների առաջադրման բովանդակային հարթակ:

Նախագահ Հարությունյանն ուղերձ է հղել «Արցախյան հիմնախնդիրը արդի քաղաքական գործընթացների հոլովույթում» գիտագործնական համաժողովի մասնակիցներին

Նախագահ Հարությունյանն ուղերձ է հղել «Արցախյան հիմնախնդիրը արդի քաղաքական գործընթացների հոլովույթում» գիտագործնական համաժողովի մասնակիցներին
ՍՏԵՓԱՆԱԿԵՐՏ, 26 նոյեմբեր, ԱՐՑԱԽՊՐԵՍ: «Արցախպրես»-ի հաղորդմամբ՝ Արցախի Հանրապետության նախագահ Արայիկ Հարությունյանի ուղերձը գիտագործնական համաժողովի մասնակիցներին է ներկայացրել Նախագահի խորհրդական Նելլի Բաղդասարյանը:
 
Ուղերձում ասված է.
 
««Արցախյան հիմնախնդիրը արդի քաղաքական գործընթացների հոլովույթում» գիտագործնական համաժողովի հարգելի մասնակիցներ, հարգարժան մտավորականներ  
 
Կարևորում եմ համաժողովի խորագիրը և վստահ եմ, որ այն կարող է ծառայել որպես արդի աշխարհաքաղաքական գործընթացների քննարկման, համապատասխան ելքերի և լուծումների առաջադրման բովանդակային հարթակ: Պետք է արձանագրենք, որ արդի աշխարհաքաղաքական գործընթացների և վերադասավորումների պայմաններում ձևավորվում է նոր աշխարհակարգ, որի տարածաշրջանային մակարդակում Արցախի Հանրապետությունը ներկայանում է հետևյալ իրողություններով և օրակարգային խնդիրներով.  
 
2020 թ. ադրբեջանա-ղարաբաղյան պատերազմն իր ունեցած հետևանքներով խաթարեց տասնամյակներով հաստատված տարածաշրջանային կարգը: Տարածաշրջանային նոր իրողությունների պայմաններում վտանգված է հայկական երկու պետությունների ապագան:  
 
Պատերազմով պայմանավորված իրողությունների հետևանքով որպես Արցախի Հանրապետության արտաքին անվտանգային երաշխիք ամրագրվել է ՌԴ խաղաղապահ առաքելությունը, որն այսօր հիմնական զսպող հանգամանքն է Ադրբեջանի կողմից Արցախի Հանրապետության դեմ հետագա լայնածավալ ագրեսիան կանխելու գործում: Ստեղծված պայմաններում ՌԴ խաղաղապահների ներկայության ժամկետի երկարաձգումը կենսական անհրաժեշտություն է:  
 
Ադրբեջանը շարունակում է «սողացող ագրեսիաների» մեխանիզմով և հրադադարի ռեժիմի պարբերական խախտումներով պատերազմել Արցախի և Հայաստանի հանրապետությունների դեմ, որի նպատակը էթնիկ հիմքով ահաբեկչությունը և հայաթափումն է:  
 
Ադրբեջանը շարունակում է սպառազինությունների համալրման և հայ ժողովրդի դեմ ատելության համակարգված քաղաքականությունը: Ստեղծված պայմաններում, Արցախի Հանրապետությունը պարտադրված է հետևողականորեն բարելավելու սեփական ժողովրդի անվտանգության մեխանիզմները, այդ թվում՝ առաջնահերթորեն Պաշտպանության բանակի ինքնապաշտպանական կարողությունները։  
 
Ադրբեջանա-ղարաբաղյան հակամարտությունը մնում է չկարգավորված՝ ադրբեջանական ագրեսիվ ու ցեղասպան քաղաքականության պատճառով: Այս հարցում Ադրբեջանի վրա միջազգային ներազդման ջանքերը շարունակում են դեկլարատիվ մակարդակում մնալ:  
 
Մենք կարևորում ենք միջազգային խաղացողների և ուժային կենտրոնների առաջարկներն ուղղված ադրբեջանա-ղարաբաղյան հակամարտության կարգավորմանը, տարածաշրջանի միջպետական հակասությունների հարթմանը, մակրոտարածաշրջանային մակարդակում կոնֆլիկտային զարգացումների բացառմանը: Միաժամանակ, այդ առաջարկները պետք է համապատասխանեն մեր ազգային կարիքներին ու շահերին և բացառեն միակողմանի լուծումները: Արցախն առանցքային տեղ ունի տարածաշրջանային հիմնախնդիրների կարգավորման և Մայր Հայաստանի անվտանգության ու զարգացման հարցերում: Ուստի, կարևոր է ադրբեջանա-ղարաբաղյան հակամարտությունը դիտարկել տարածաշրջանային ու համահայկական լայն համատեքստերում: Ստեղծված միջազգային և տարածաշրջանային իրողությունների պայմաններում Արցախի Հանրապետության օրակարգային հարցերի կենտրոնում շարունակում է առանցքային մնալ Արցախի ժողովրդի ինքնորոշման իրավունքի միջազգային հանրության կողմից ճանաչման հարցը.  
 
Մենք մեծապես կարևորում և ողջունում ենք Արցախի Հանրապետության ժողովրդի ինքնորոշման իրավունքի ճանաչմանն ուղղված միջազգային խոսույթը և ակնկալում, որ այդ գործընթացները գործնական դրսևորումներ կունենան:  
 
Հուսով ենք, որ միջազգային հանրությունը վերջնականապես կընդունի այն հանգամանքը, որ մեր ժողովրդի ինքնորոշման իրավունքի ճանաչումն ու պաշտպանությունն ինքնանպատակ չէ: Մենք պայքարում ենք տնօրինելու մեր ճակատագիրը մեր հայրենի բնօրրանում և ճանաչման միջոցով ստանալու միջազգային երաշխիքներ մեր ժողովրդի ֆիզիկական անվտանգության ապահովման հարցում:  
 
Արցախի Հանրապետության ժողովրդի ինքնորոշման իրավունքի ճանաչման ու պաշտպանության տրամաբանությունից դուրս որևէ այլ գործընթաց կամ լուծում, անկասկած, տանելու է Ադրբեջանի կողմից Արցախի Հանրապետության բնակչության էթնիկ բնաջնջմանը: Մենք հաստատակամ ենք մեր ժողովրդի առջև ծառացած կենսական հարցերին լուծում տալու և բոլոր հնարավոր մեխանիզմներով մեր ազգային շահերը պաշտպանելու հարցում»:  

     

Քաղաքական

Հայաստանի և Ղազախստանի ԱԳ նախարարները ստորագրել են երկու գերատեսչությունների միջև 2024-2025թթ. գործողությունների ծրագիրը

Հայաստանի և Ղազախստանի արտաքին գործերի նախարարներ Արարատ Միրզոյանը և Մուրատ Նուրտլեուն ստորագրել են երկու գերատեսչությունների միջև 2024-2025թթ. գործողությունների ծրագիրը:

Ղազախստանն իր միջմայրցամաքային ծրագրերում չափազանց մեծ նշանակություն է տալիս Հայաստանին. Մուրատ Նուրտլեու

Հաշվի առնելով Հայաստանի աշխարհագրական առավելությունը՝ երկիրը չափազանց մեծ նշանակություն ունի Ղազախստանի համար՝ միջմայրցամաքային ծրագրերի առումով:

Ղազախստանն իր միջմայրցամաքային ծրագրերում չափազանց մեծ նշանակություն է տալիս Հայաստանին. Մուրատ Նուրտլեու

Հաշվի առնելով Հայաստանի աշխարհագրական առավելությունը՝ երկիրը չափազանց մեծ նշանակություն ունի Ղազախստանի համար՝ միջմայրցամաքային ծրագրերի առումով:

Հայաստանը և Ղազախստանը հնարավորություն ունեն նոր էջ բացել երկկողմ հարաբերություններում․ Միրզոյան

Հայաստանը և Ղազախստանը պատրաստակամ են զարգացնել երկկողմ հարաբերությունները և իրացնել չօգտագործված հնարավորությունները։

Տնտեսական

Հասարակական

ՀՀ իշխանությունները պետք է հասնեն Ադրբեջանի կողմից Արցախի գերեվարված ռազմաքաղաքական ղեկավարների և բոլոր գերիների առանց պայմանի ազատ արձակմանը․ Մայր Աթոռ

Ն․Ս․Օ․Տ․Տ․ Գարեգին Երկրորդ Ամենայն Հայոց Կաթողիկոսի նախագահությամբ Հայաստանի եպիսկոպոսները և թեմակալ առաջնորդները հանդես են եկել հայտարարությամբ Արցախի Հանրապետության գերեվարված ռազմաքաղաքական ղեկավարների հիմնարար իրավունքների ոտնահարման դեպքերի վերաբերյալ։

Մշակվել է ծրագիր, որի միջոցով ԼՂ-ից բռնի տեղահանվածները կարող են ուսում ստանալ և աշխատանքի անցնել պետական աջակցությամբ

Մշակվել է ծրագիր, որի միջոցով Լեռնային Ղարաբաղից բռնի տեղահանվածները կարող են ուսում ստանալ և աշխատանքի անցնել պետական աջակցությամբ:

Ադրբեջանցիներն Արցախում ավերել են զոհված զինծառայողներին նվիրված հուշահամալիրը, անհետացրել է 13-րդ դ. արձանագիր խաչքարը

Ադրբեջանցիներն ավերել են Արցախի Ծար գյուղում գտնվող արցախյան ազատամարտում զոհված հայ զինծառայողներին նվիրված հուշահամալիրը, անհետացրել 1224 թ․ արձանագիր խաչքարը։

ԼՂ-ից բռնի տեղահանված 7 ընտանիք 16 միլիոն դրամ կստանա՝ սահմանամերձ գյուղերում բնակարան կառուցելու համար

Լեռնային Ղարաբաղից բռնի տեղահանված 7 ընտանիք 16-ական միլիոն դրամ կստանա՝ սահմանամերձ գյուղերում բնակարան կառուցելու համար։

Ռազմական

Հայ-ադրբեջանական սահմանին օպերատիվ իրավիճակը հարաբերական կայուն է․ Էդվարդ Ասրյան

Հայ-ադրբեջանական սահմանին օպերատիվ իրավիճակը գնահատվում է հարաբերական կայուն։

ՊՆ վարչական համալիրում տեղի է ունեցել Նիկոլաոս Դենդիասի դիմավորման հանդիսավոր արարողությունը

ՀՀ պաշտպանության նախարար Սուրեն Պապիկյանը մարտի 4-ին ընդունել է պաշտոնական այցով Հայաստանի Հանրապետություն ժամանած Հունաստանի ազգային պաշտպանության նախարար Նիկոլաոս Դենդիասին։

Հունաստանի պաշտպանության նախարարը ժամանել է Հայաստան

Հայաստանի պաշտպանության նախարար Սուրեն Պապիկյանի հրավերով Հայաստան է ժամանել Հունաստանի ազգային պաշտպանության նախարար Նիկոս Դենդիասի գլխավորած պատվիրակությունը։

Հունաստանի պաշտպանության նախարարը ժամանել է Հայաստան

Հայաստանի պաշտպանության նախարար Սուրեն Պապիկյանի հրավերով Հայաստան է ժամանել Հունաստանի ազգային պաշտպանության նախարար Նիկոս Դենդիասի գլխավորած պատվիրակությունը։

Տեսանյութեր

ավելին

Ամենադիտված

ամիս

շաբաթ

օր

ԼՂ-ից բռնի տեղահանվածների համար նախատեսված «40+10 հազար» ծրագիրը կշարունակվի առնվազն մինչև տարեվերջ

Մարտի 20-ին Ազատության հրապարակում տեղի կունենա Արցախի ժողովրդի կարիքների ապահովման նախաձեռնության հանրահավաքը

Նիկոլ Փաշինյանը ԼՂ հայության բռնի տեղահանումը համարում է 2023 թվականի մեծագույն մարտահրավերը

Հայաստանը մնում է ՀԱՊԿ-ի դաշնակիցը. գլխավոր քարտուղար

Բեռլինում Արցախի մշակութային ժառանգության մասին գրքի շնորհանդեսը չեղարկվել է «միջոցառման դեմ զանգվածային արշավի և էսկալացիայի վտանգի» պատճառով

Ռուբլին, եվրոն և դոլարը էժանացել են

ԼՂ-ից բռնի տեղահանված 7 ընտանիք 16 միլիոն դրամ կստանա՝ սահմանամերձ գյուղերում բնակարան կառուցելու համար

ՀՀ տարածքում կան փակ ավտոճանապարհներ

Անահիտ Մանասյանը մասնակցել է Հիմնարար իրավունքների ֆորումին

Search