Այսօր՝ հունիսի 9-ին, Արցախում մեկնարկել են միասնական քննությունները:
Արցախում մեկնարկել են միասնական քննությունները
ՍՏԵՓԱՆԱԿԵՐՏ, 9 հունիսի, ԱՐՑԱԽՊՐԵՍ։ «Արցախպրես»-ի թղթակցի հաղորդմամբ՝ քննությունները «Քիմիա» և «Ռուսաց լեզու» առարկաներից, անցկացվում են Ստեփանակերտի համար 7 և համար 1 դպրոցներում ստեղծված քննական կենտրոններում:
«Քննությունները քննական կենտրոններում մեկնարկել են ժամը 09:30-ին։ Մինչև այդ էլ կազմակերպչական բոլոր աշխատանքները կատարվել են։ Ավարտը կհայտարարվի ժամը 12:30-ին։ Դիմորդները հանգիստ աշխատում են, որևէ միջադեպ չի արձանագրվել։ Աշխատանքի ավարտից հետո ձևաթղթերը կպատճենահանենք և կտրամադրենք նրանց»,-մեզ հետ զրույցում ասել է ԱՀ ԿԳՄՍ նախարարության պետական տեսչության ավագ պետական տեսուչ Գարի Գաբրիելյանը։ Նախարարության ներկայացուցիչը նշել է, որ հաջորդ միասնական քննությունը կացկացվի հունիսի 13-ին՝ «Օտար լեզու» առարկայից։
