Եվրասիական տնտեսական միությունը (ԵԱՏՄ) դեռևս հեռու է միասնական արժութային համակարգը՝ նույն արժույթը ներդնելուց, սակայն անհրաժեշտ է զարգացնել միասնական վճարային համակարգերը, որը թույլ կտա համաշխարհային այս վիճակում, երբ կիրառվում են պատժամիջոցներ, այլ երկրների հետ իրականացնել փոխանցումներ, ձևավորել բարենպաստ բիզնես միջավայր։
ԵԱՏՄ-ին անհրաժեշտ են միասնական վճարային համակարգեր. Տիգրան Սարգսյան
2 մարտի, ԱՐՑԱԽՊՐԵՍ: Նման առաջարկ է հնչեղրեծ ՀՀ նախկին վարչապետ, Եվրասիական տնտեսական կոլեգիայի նախկին նախագահ, Եվրասիական զարգացման բանկի կառավարման փոխնախագահ Տիգրան Սարգսյանը Սանկտ-Պետերբուրգի պետական տնտեսագիտական համալսարանում տարբեր համալսարանների ուսանողների հետ հանդիպմանը։
«Միասնական արժութային համակարգի ներդրումը քննարկվում է վերջին տաս տարվա ընթացքում, ինչ ձևավորվել է Եվրասիական տնտեսական միությունը։ Այս հարցը հատկապես ակտուալ է Եվրամիության օրինակով, երբ խորը տնտեսական ինտեգրացիայի դեպքում ներդրվեց եվրոն։ Բայց մենք այս պահին շատ հեռու ենք միասնական դրամային համակարգ ստեղծելուց», - Panorama.am-ի փոխանցմամբ՝ ասել է նա։
Ըստ Սարգսյանի, այսօր բավական արդիական է միասնական վճարային համակարգի ստեղծումը հատկապես պատժամիջոցների առկայության դեպքում։
«ԵԱՏՄ-ին անհրաժեշտ է միասնական վճարային համակարգ, որպեսզի հեշտացվեն գործընթացներն այն երկրների հետ, որոնք համագործակցում են կազմակերպության հետ», - հավելել է նա։
