Հայաստանի ծանրամարտի կանանց հավաքականի գլխավոր մարզիչ Արտաշես Ներսիսյանի կարծիքով, կանանց հավաքականը կատարեց իր առաջև դրված խնդիրը. Ռիոյի Օլիմպիական խաղերին թիմը կմասնակցի 2 ծանրորդով:
Հայաստանի ծանրամարտի կանանց հավաքականի գլխավոր մարզիչը՝ աշխարհի առաջնության մասին
ՍՏԵՓԱՆԱԿԵՐՏ, նոյեմբերի 30, ԱՐՑԱԽՊՐԵՍ: «Մեր առաջ խնդիր էր դրված անցած տարվա մեր երկու վարկանիշը պահպանել և մենք կատարեցինք այդ հանձնարարությունը: Առաջնությունը շատ ծանր ստացվեց մեզ համար: Նմանատիպ ուժեղ առաջնություն ես դեռ չէի տեսել, իսկապես շատ ծանր էր, բայց մենք կարողացանք պահպանել օլիմպիական մեր երկու ուղեգրերը: Հիմա հանգիստ կարող եմ ասել, որ աղջիկների հավաքականը երկու ծանրորդով կմասնակցի Ռիոյի Օլիմպիական խաղերին: Իսկ ինչ վերաբերում է Օլիմպիական խաղերում դրական արդյունքներ գրանցելուն, ապա մենք՝ թե մարզիչներս, թե մարզիկները ամեն ինչ կանենք Ռիոյում լավ արդյունքի հասնելու համար»,- Ներսիսյանի խոսքը մեջ է բերում ՀԱՕԿ-ը:
Հայաստանի կանանց հավաքականն աշխարհի առաջնությանը մասնակցում էր 5 մարզիկով: 53 կգ քաշային Աննա Գովելյանը զբաղեցրեց 28-րդ տեղը, Իզաբելլա Յայլյանը (58կգ)՝ 15-րդ, Նազիկ Ավդալյանը (69կգ)՝ 14-րդ, Սոնա Պողոսյանը (75 կգ)՝ 21-րդ և Հռիփսիմե Խուրշուդյանը (75+)՝ 14-րդ տեղերը:
