ՀՀ Ազգային ժողովում ընտրական օրենսգրքի նախագծի շուրջ խորհրդարանական լսումների մասնակիցները մեկ րոպե լռությամբ հարգեցին Բրյուսելում տեղի ունեցած ահաբեկչության զոհերի հիշատակը:
Հայաստանի խորհրդարանում մեկ րոպե լռությամբ հարգեցին Բրյուսելում ահաբեկչության զոհերի հիշատակը
ՍՏԵՓԱՆԱԿԵՐՏ, 22 մարտի, ԱՐՑԱԽՊՐԵՍ: Լսումները վարող, ՀՀ ԱԺ պետաիրավական հարցերի մշտական հանձնաժողովի նախագահ Հովհաննես Սահակյանը մասնակիցներին տեղյակ պահեց Բրյուսելում տեղի ունեցած ահաբեկչության մասին, որի հետևանքով կան զոհեր և վիրավորներ: «Հարգելի հայրենակիցներ, արդեն տեղյակ եք, որ ժամեր առաջ Բրյուսելում տեղի են ունեղել պայթյուններ: Դրանք եղել են օդանավակայանում և մետրոյում: Այս պահի տեղեկատվությամբ զոհերի թիվը հասնում է 17-ի, կան բազմաթիվ վիրավորներ: Վիրավորներին մաղթենք շուտափույթ ապաքինում և խնդրում եմ մեկ րոպե լռությամբ հարգենք անմեղ զոհերի հիշատակը»,- նշեց Սահակյանը:
Լսումների մասնակիցները հոտկնայս, մեկ րոպե լռությամբ հարգեցին Բրյուսելում ահաբեկչության անմեղ զոհերի հիշատակը:
Բրյուսելի օդանավակայանում և մետրոյում ժամեր առաջ պայթյուններ են որոտացել, որոնց հետևանքով կան զոհեր և բազմաթիվ վիրավորներ: Արդեն հայտնի է դարձել, որ օդանավակայանում ահաբեկչությունն իրականացրել է մահապարտ ահաբեկիչը: Բելգիայի ոստիկանությունն օդանավակայանի շենքում հայտնաբերվել է մահապարտների մի քանի գոտիներ: Belga գործակալության տվյալներով՝ պայթյուններից առաջ լսվել են հրաձգություն եւ գոչյուններ՝ արաբերեն լեզվով: Բելգիայի մայրաքաղաքում տարհանել են երկրի վարչապետի գրասենյակի և Բելգիայի համերկրային խորհրդարանի շենքերում գտնվող մարդկանց:
