Հանրապետությունում բերքահավաքի ենթակա 57 հազար 368,7 հեկտար ցանքատարածությունից այսօրվա դրությամբ իրականացվել է 27 հազար 569,3 հա հունձ` նախորդ տարվա նույն ժամանակահատվածի 24 հազար 915 հա-ի փոխարեն:
Ցորենի բերքատվության բարձր ցուցանիշները նախորդ տարվա համեմատ նույնն են մնացել
ՍՏԵՓԱՆԱԿԵՐՏ, 28 հունիսի, ԱՐՑԱԽՊՐԵՍ: Փաստացի հավաքվել է 63 հազար 824,8 տոննա բերք` նախորդ տարվա 69 հազար 323,1 տոննայի փոխարեն: Միջին բերքատվությունը 1 հա-ից կազմել է 23,2 ցենտներ` նախորդ տարվա նույն ժամանակահատվածի 27,8 ց/հա-ի փոխարեն:
Այդ մասին «Արցախպրես»-ի թղթակցի հետ զրույցում տեղեկացրել է ԼՂՀ ԳՆ բուսաբուծության և բույսերի պաշտպանության բաժնի պետ Վիլեն Ավետիսյանը, ով մարամասնել է, որ հնձի աշխատանքների և նախորդ տարվա համեմատ գարու բերքի ցուցանիշների նվազման վրա մեծամասամբ ազդել են անբարենպաստ եղանակային պայմանները:
Գյուղնախարարության պատասխանատուի խոսքով արդեն եռուն ընթացք են ստացել նաև ցորենի բերքահավաքի աշխատանքները: Ընդ որում` ցորենի բերքատվության բարձր ցուցանիշները նախորդ տարվա նույն ժամանակահատվածի համեմատ գրեթե նույնն են: Արդեն հնձվել է 9955,2 հա ցորենի ցանքատարածք, որից հավաքվել է 26 հազ. 579,4 տոննա բերք` նախորդ տարվա 29 հազ. 562,6 տոննայի փոխարեն: Հնձված ցանքատարածքներում ցորենի նախնական միջին բերքատվությունը կազմել է 26,7 ց/հա-ից` նախորդ տարվա 30,9-ի փոխարեն:
Վ. Ավետիսյանի խոսքով` հանրապետության շրջանններում` մասնավորապես Ասկերանի և Մարտունու հնձված ցանքատարածքներում ցորենի միջին բերքատվությունը կազմել է 30 ց/հա-ից: