Twitter միկրոբլոգների ծառայությունը ընդլայնում է արշավը սոցցանցերում ատելություն ու ագրեսիա սերմանելու դեմ:
Twitter-ը ընդլայնում է արշավը ատելություն ու ագրեսիա սերմանելու դեմ
ՍՏԵՓԱՆԱԿԵՐՏ, փետրվարի 8, ԱՐՑԱԽՊՐԵՍ: Այս մասին հայտնում է BBC-ի Ռուսական ծառայությունը։
Ըստ ընկերության հաղորդագրության՝ Twitter-ը պարզելու է այն օգտատերերի անձը, որոնց հաշիվները արգելափակվել են վիրավորական վարքագծի համար։ Դա արվում է որպեսզի նրանք չկարողանան նոր հաշիվներ ստեղծեն, այսինքն ընդմիշտ զրկվեն Twitter–ից օգտվելու հնարավորությունից։
Նաեւ Twitter ընկերությունը հայտնել է, որ մշակում է այսպես կոչված անվտանգ որոնման համակարգ, որը կբացառի պոտենցիալ զգայուն բովանդակությամբ թվիթները։ Պոտենցիալ վիրավորական բովանդակությամբ թվիթները չեն ջնջվի, սակայն համակարգը դրանք չի ցուցադրի տվյալ հարցումով որոնման արդյունքներում։
Twitter-ը նաեւ մտադիր է որոնումից բացառել պոտենցիալ վիրավորական ու ցածրորակ քննարկումները , որոնք քիչ են կապակցված տվյալ թեմայի հետ։ Այդ քննարկումները նույնպես չեն ջնջվի, բայց նվազ նկատելի կդառնան օգտատերերի համար։
