Artsakhpress

Հասարակական

Գերմանիայից ժամանած բժիշկները Ստեփանակերտում անց են կացնում անվճար հետազոտություններ

Ստեփանակերտի Հանրապետական հիվանդանոցում Գերմանիայից ժամանած բժիշկները կատարում են անվճար հետազոտություններ:

Գերմանիայից ժամանած բժիշկները Ստեփանակերտում անց են կացնում անվճար հետազոտություններ

Գերմանիայից ժամանած բժիշկները Ստեփանակերտում անց են կացնում անվճար հետազոտություններ

ՍՏԵՓԱՆԱԿԵՐՏ, 25 օգոստոսի, ԱՐՑԱԽՊՐԵՍ:  «Արցախպրես»-ի հաղորդմամբ՝ ակնաբույժ Ֆուադ Զայդան ասել է, որ ինքը շատ է սիրում ճամփորդել: Որպես բժիշկ՝ իրեն հետաքրքրում է, թե տարբեր երկրներում բժիշկներն ի՞նչ ստանդարտերով են իրականացնում իրենց բուժումը:

«Գալով Արցախ՝ ես ցանկացա տեսնել՝ ինչ պայմաններում են աշխատում բժիշկները և հատկապես աչքի խնդիր ունեցողների մոտ ի՞նչ բարդույթներ կան,- նշել է Ֆուադ Զայդան և ավելացրել,- Հանրապետական հիվանդանոցում կան նորագույն ու ժամանակակից սարքավորումներ, որոնք հեշտացնում են բժշկի աշխատանքը»:
Պաղեստինում ծնված բժիշկն ընդգծել է, որ արդեն երկու օր է, ինչ ինքը հետազոտում է ամենատարբեր խնդիրներ ունեցող հիվանդների:

Իսկ բժշկական գիտությունների դոկտոր, գինեկոլոգ և հոգեթերապևտ Աննեմարի Բրաուն էլ ասել է, որ ինքը հիացած է կլինիկայի ժամանակակից հնարավորություններով ու բժիշկների պատրաստակամությամբ: Նա ցանկություն է հայտնել Արցախում ունենալու այլընտրանքային բժշկություն, որի ժամանակ բուժումը չի իրականացվի քիմիական մեթոդներով:

Բժիշկ Բրաունը արդեն հինգ անգամ եղել է Արցախում. ամեն անգամ այստեղ գալով՝ նա նոր փոփոխություններ է տեսնում:
 
Նշենք նաև, որ բժիշկներն Արցախ էին այցելել գերմանաբնակ դոկտորանտ Մանուշակ Մարկոսյանի հետ: Մեզ հետ զրույցում վերջինս ասել է. «Ես տարիներ ի վեր ապրում և աշխատում եմ Գերմանիայում ու կատարում գիտահետազոտական աշխատանքներ: Ամեն անգամ, երբ բժիշկների հետ հանդիպումներ եմ ունենում, միշտ նրանց պատմում եմ Արցախի մասին: Ես հրավիրեցի նրանց այցելել Արցախ, և նրանք սիրով համաձայնեցին գալ ու իրենց ներդրումը բերել Արցախի առողջապահության գործին»:


     

Քաղաքական

Տնտեսական

Հասարակական

Ռազմական

Տեսանյութեր

ավելին

Ամենադիտված

ամիս

շաբաթ

օր

Նախագահ Հարությունյանը հաստատել է ԱՀ Կառավարության որոշումներ՝ դրամական աջակցության տրամադրման մասին

Արցախում ավտովթարի հետևանքով ծանր վնասվածք ստացած երեխան ռուս խաղաղապահների ուղղաթիռով տեղափոխվել է Երևան

Ադրբեջանցիները Շուշիի Կանաչ ժամի տարածքում ճաշարան են կառուցել (տեսանյութ)

Կյանքից հեռացել է վաստակավոր բժիշկ Բրինա Մարությանը

68 000 ՀՀ դրամի չափով տրամադրված ֆինանսական աջակցությունից չօգտված քաղաքացիների դիմումների ընդունումը շարունակվում է

Հրավիրելու ենք մասնագետների, ովքեր իշխանության մաս չեն, սակայն ունեն լուրջ որակավորում.Արայիկ Հարությունյան

Մեր տեղահանված հայրենակիցները պետք է ունենան կարգավիճակ. Արտակ Բեգլարյան

«Ավրորա» մարդասիրական նախաձեռնությունը 500 000 դոլար կհատկացնի Արցախում իրականացվող նախագծերի համար

Մինչև հունվարի վերջ Ստեփանակերտում բնակարանամուտ կտոնի ընդհանուր առմամբ 300 ընտանիք

Search