Բրյուսելը պետք Է դադարեցնի Եվրամիությանը Թուրքիայի անդամակցության շուրջ Անկարայի հետ վարվող բանակցությունները:
Գաբրիելը պահանջել Է դադարեցնել ԵՄ-ին Թուրքիայի անդամակցության բանակցությունները
ՍՏԵՓԱՆԱԿԵՐՏ, 11 սեպտեմբերի, ԱՐՑԱԽՊՐԵՍ-ԱՐՄԵՆՊՐԵՍ: Ինչպես ԳՖՀ-ի արտաքին գործերի նախարար Զիգմար Գաբրիելը հայտարարել Է t-online.de պորտալին տված հարցազրույցում, այդ հարցում ինքը համաձայն Է Գերմանիայի սոցիալ-դեմոկրատական կուսակցության առաջնորդ Մարտին Շուլցի հետ:
«Ես միանգամայն համաձայն եմ Շուլցի դիրքորոշմանը,-ասել Է Գաբրիելը:-Ես, ի դեպ, կարծում եմ, որ ԳՖՀ-ի գրեթե բոլոր բնակիչներն Էլ այն տեսակետն ունեն, որ Թուրքիան իր ներկա վիճակով երբեք չի անդամակցի ԵՄ-ին»: «Նախագահ Էրդողանն ընդհանրապես դրան չի ձգտում, նա այդ մասին ինձ հայտարարել Է տակավին մի քանի տարի առաջ»,-հայտնել Է ԱԳ նախարարը: Նրա կարծիքով, «Թուրքիան շարժվում Է դեպի ավտորիտար ռեժիմի հաստատում»: Եվրոպայի հետ վերջնական խզումը կդառնար մահապատժի սահմանումն այդ երկրում, ընդգծել Է Գաբրիելը: Միաժամանակ նախարարը նշել Է, որ Գերմանիան չի պատրաստվում խզել դիվանագիտական հարաբերություններն Անկարայի հետ, բայց «զգալիորեն մեծացնում Է տնտեսական ճնշումը Թուրքիայի վրա»: «Մենք ոչ ոքի չենք հոդորում հրաժարվել իր ներդրումներից: Դա ընկերությունների որոշելիքն Է, բայց ներկայում Թուրքիայում դա կապված Է ռիսկերի հետ»,-հավելել Է նա, հաղորդել Է ՏԱՍՍ-ը:
