Բաղդադը Իրաքյան Քրդստանի իշխանությունների հետ չի քննարկի տարածաշրջանի անկախության հանրաքվեի արդյունքները:
Իրաքի իշխանությունները հրաժարվել են քրդերի հետ քննարկել անկախության հանրաքվեի արդյունքները
ՍՏԵՓԱՆԱԿԵՐՏ, 26 սեպտեմբերի, ԱՐՑԱԽՊՐԵՍ: Այդ մասին հայտարարել Է Իրաքի վարչապետ Հեյդար ալ Աբադին սեպտեմբերի 26-ի առավոտյան հղած հեռուստաուղերձում, երբ հայտնի դարձան հանրահարցման առաջին արդյունքները:
«Մենք պատրաստ չենք բանավիճել կամ երխոսության մեջ մտնել հանրաքվեի արդյունքների շուրջ, քանի որ այն սահմանադրական չԷ»,- Իրաքի կառավարության ղեկավարի խոսքը մեջբերել Է Al Arabiya հեռուստաալիքը:
Ալ Աբադին նշել Է, որ Բաղդադն ի վիճակի Է բռնությունից պաշտպանել Իրաքի բոլոր քաղաքացիներին, այդ թվում՝ նրանց, ովքեր ապրում են երկրի հյուսիսում եւ հյուսիս-արեւելքում: Վարչապետն ասել Է, որ քվեարկության ընթացքում տեղ են գտել «կեղծումներ, մեքենայություններ եւ քաղաքացիներին ուղղված սպառնալիքներ»: Քրդստանում հանրաքվեի եւ ընտրությունների Բարձրագույն անկախ հանձնաժողովի հրապարակած նախնական տվյալների համաձայն՝ Իրաքյան Քրդստանում անցկացված հանրաքվեի մասնակիցների ավելի քան 93 տոկոսը պաշտպանել Է տարածաշրջանի անկախությունը, ինչը վկայում են 282 հազար ձայների (քվեարկածների մոտավորապես 9 տոկոսի) հաշվման արդյունքները:
Հանրաքվեի պաշտոնական արդյունքները կհրապարակվեն սեպտեմբերի 28-ին: Ըստ վերջին տվյալների՝ հանրահարցմանը քվեարկել Է շուրջ 3,3 մլն մարդ, մասնակցությունը կազմել Է 72,16 տոկոս, հաղորդել Է ՏԱՍՍ-ը:
