Մեծ Բրիտանիան եւ Եվրամիությունը փոխզիջման են հասել Brexit-ի շուրջ բանակցությունների առաջին փուլի շրջանակներում եւ պատրաստ են անցնել ԵՄ-ի կազմից Մեծ Բրիտանիայի դուրս գալու նախապատրաստման երկրորդ փուլին:
Մեծ Բրիտանիան եւ ԵՄ-ն փոխզիջման են հասել Brexit-ի շուրջ բանակցություններում
ՍՏԵՓԱՆԱԿԵՐՏ, 8 դեկտեմբերի, ԱՐՑԱԽՊՐԵՍ-ԱՐՄԵՆՊՐԵՍ: Այդ մասին, դեկտեմբերի 8-ին կայացած մամուլի ասուլիսում հայտնել Է Եվրահանձնաժողովի ղեկավար Ժան Կլոդ Յունկերը՝ ամփոփելով բանակցությունների արդյունքները: «Բանակցորդների թիմերը ծանր պրոֆեսիոնալ աշխատանք են կատարել վերջին շաբաթներին ու ամիսներին… Բանակցությունների արդյունքը դարձավ փոխզիջումը: Դրանք բարդ բանակցություններ Էին ինչպես Եվրամիության, այնպես Էլ Մեծ Բրիտանիայի համար»,-ասել Է նա: «Մենք վերջին շաբաթվա ընթացքում Էական առաջընթացի հասանք բանակցություններում»,-ընդգծել Է նա: Լոնդոնը եւ Եվրամիությունը Brexit-ի հիմնական պայմանները, ներառյալ սահմանների հարցը (հատկապես Իռլանդիայում), եվրոպական գործընկերներին Մեծ Բրիտանիայի ֆինանսական վճարումները եւ Brexit-ից հետո ԵՄ-ի քաղաքացիների իրավունքները Մեծ Բրիտանիայում, պետք Է համաձայնեցներին նախքան ԵՄ-ի՝ դեկտեմբերի 14-15-ի գագաթնաժողովը: Ավելի վաղ բրիտանական ԶԼՄ-ները հայտնել են Brexit-ի համար ԵՄ-ին 60 մլրդ եվրո վճարելու Լոնդոնի հանձնառության մասին: Եվրահանձնաժողովի հաշվարկներով՝ Մեծ Բրիտանիան այդ միջոցները պետք Է վճարի մինչեւ 2020 թվականը, քանի որ, գտնվելով ԵՄ-ի կազմում, նա պարտավորվել Է մասնակցել 2014-2020 թվականների համար նախատեսված եվրոպական ծրագրերի ֆինանսավորմանը, հաղորդել Է «Ինտերֆաքս»-ը:
