Artsakhpress

Քաղաքական

Ազատության եւ անկախության ձգտումը միավորում է հերոսական Լենինգրադի բնակչությանը եւ Արցախի հերոս քաղաքացիներին. Էդուարդ Շարմազանով

ՀՀ Ազգային ժողովի նախագահի տեղակալ Էդուարդ Շարմազանովի գլխավորած պատվիրակությունը հունվարի 26-ին Սանկտ Պետերբուրգում հանդիպել է Օրենսդիր ժողովի նախագահ Վյաչեսլավ Մակարովի հետ:

Ազատության եւ անկախության ձգտումը միավորում է հերոսական Լենինգրադի բնակչությանը եւ Արցախի հերոս քաղաքացիներին. Էդուարդ Շարմազանով

Ազատության եւ անկախության ձգտումը միավորում է հերոսական Լենինգրադի բնակչությանը եւ Արցախի հերոս քաղաքացիներին. Էդուարդ Շարմազանով

ՍՏԵՓԱՆԱԿԵՐՏ, 27 հունվարի, ԱՐՑԱԽՊՐԵՍ: Հանդիպմանը ներկա են եղել նաեւ Սանկտ Պետերբուրգում ՀՀ գլխավոր հյուպատոս Հրայր Կարապետյանը եւ ԱՊՀ ՄԽՎ-ում ՀՀ ԱԺ մշտական ներկայացուցիչ Հայկ Չիլինգարյանը:

Ինչպես տեղեկացրին ՀՀ ԱԺ հանրային կապերի վարչությունից, Էդուարդ Շարմազանովը շնորհակալություն է հայտնել Վյաչեսլավ Մակարովին հրավերի համար եւ ընդգծել, որ հայ պատվիրակների համար մեծ պատիվ է մասնակցել Լենինգրադի շրջափակման ավարտի օրվան նվիրված միջոցառումներին:

Անդրադառնալով հայ-ռուսական դաշնակցային հարաբերություններին՝ ՀՀ ԱԺ նախագահի տեղակալը նշել է, որ դրանք կայուն զարգանում են բոլոր ուղղություններով: Նա երկկողմ շփումների ակտիվացման հարցում առանձնակի կարեւորել է խորհրդարանական դիվանագիտության դերը: Փոխգործակցության ընդլայնման համատեքստում պարոն Շարմազանովն անդրադարձել է միջռեգիոնալ մակարդակով հարաբերությունների զարգացմանը, արժեւորել Երեւանի եւ Սանկտ Պետերբուրգի միջեւ կապերի խորացումը, համատեղ ծրագրերի իրականացումը:

ՀՀ ԱԺ փոխնախագահի գնահատմամբ՝ հայ-ռուսական հարաբերություններում իր ուրույն տեղն ունի հայ համայնքը, որը ձեւավորվել է դեռեւս Սանկտ Պետերբուրգի հիմնադրման օրերից:

«Բազմաթիվ հայորդիներ իրենց հետքն են թողել Սանկտ Պետերբուրգի մշակութային եւ հասարակական-քաղաքական կյանքում: Այս տարի լրանում է հայազգի ականավոր զորավար եւ պետական գործիչ, Ռուսական կայսրության մեծ բարեփոխիչ Միքայել Լոռիս-Մելիքովի մահվան 130-րդ տարելիցը: Մենք շնորհակալ ենք Սանկտ Պետերբուրգի Օրենսդիր ժողովի ղեկավարությանը Լոռիս-Մելիքովի մահվան տարելիցին նվիրված հիշատակի միջոցառումների կազմակերպմանն աջակցելու համար:

Անգնահատելի է հայ ժողովրդի զավակների դերը Հայրենական մեծ պատերազմի տարիներին Լենինգրադի պաշտպանության գործում: Ֆաշիզմի դեմ հաղթանակը մեր ժողովուրդների համընդհանուր հաղթանակն է: Տասնամյակներ անց դրա կարեւորությունը շարունակում ենք գիտակցել, քանի որ այսօր էլ ԼՂ ժողովուրդն է պայքարում իր ազատության եւ անկախության համար: Ազատության եւ անկախության ձգտումը միավորում է հերոսական Լենինգրադի բնակչությանը եւ Արցախի հերոս քաղաքացիներին»,-ասել է ՀՀ ԱԺ փոխնախագահ Էդուարդ Շարմազանովը:

ՀՀ ԱԺ նախագահի տեղակալի գլխավորած պատվիրակության կազմում են ՀՀ ԱԺ պատգամավորներ Հայկ Բաբուխանյանն ու Ռոմիկ Մանուկյանը: 


     

Քաղաքական

Հասարակական

Ռազմական

Ամենադիտված

ամիս

շաբաթ

օր

Ջաբրայիլի հոսպիտալի բժիշկները բարդ վիրահատությամբ փրկել են 18-ամյա զինծառայողի կյանքը

Սահմանված անվանակարգերում հայտնի են բերքի տոնի հաղթողները

Արցախը երբևիցե ՀՀ մարզ չի լինելու. Վիտալի Բալասանյան

ԿՀՎ-ի (CIA) գաղտնազերծված հույժ գաղտնի զեկույցը Լեռնային Ղարաբաղի հակամարտության վերաբերյալ

Ադրբեջանում ցածրակարգ ֆլեշմոբի կազմակերպիչները Արցախի սահմաններին մոտենալու հնարավորություն չունեն․ Դավիթ Բաբայան

Վերջին օրերի իրադարձությունները կարծես թե փաստում են, որ մոտենում ենք ատելության սահմանագծին. Արշավիր Ղարամյան

Եթե Թուրքիային չկանգնեցնենք, կկրկնվի 1915 թ. Հայոց ցեղասպանությունը. Օսման Բայդեմիր

Գրիգորի Մարտիրոսյանը ներկայացրել է Ստեփանակերտի նորընտիր քաղաքապետին

Կայացել է «Վաղվա Արցախ» կուսակցության հիմնադիր համագումարը

Search