Մեծ Բրիտանիայի պաշտպանության նախարար Ուիլյամսոնը Sunday Times պարբերականի սեփական սյունակում գրել է, որ ռազմական գործողությունը մշտապես վերջին միջոցն է, եւ դրա մասին որոշումը հեշտ չի ընդունվել:
Բրիտանիայի պաշտպանության նախարարը Կրեմլին կոչ է արել Սիրիայում խնդրահարույց չլինել
ՍՏԵՓԱՆԱԿԵՐՏ, ապրիլի 15, ԱՐՑԱԽՊՐԵՍ: «Անկասկած է, որ մեզ համար առաջնահերթ է Բաշար Ասադի վրա ճնշում գործադրելը Կրեմլի՝ նրա հիմնական հենարանի կողմից, որպեսզի սիրիական ռեժիմը դադարեցնի քիմիական զենքի կիառումը»,- կարծում է Բրիտանիայի պաշտպանության նախարարը:
Ուիլյամսոնի խոսքով՝ Լոնդոնը եւ Վաշինգթոնը պնդում են Սիրիայի հակամարտության քաղաքական կարգավորումը եւ Կրեմլին կոչ են անում լինել այդ գործընթացի մասը, այլ ոչ թե խնդիրներ ստեղծել: «Սակայն Մոսկվան վետո է դրել ԱՄԿ Անվտանգության խորհրդի բանաձեւի վրա՝ Դումայում իրադարձությունների անկախ հետաքննություն կազմակերպելու կոչով»,- news.am-ի փոխանցմամբ՝ կարծում է նա:
«Մենք չենք կարող պարզապես հետեւել, թե Ասադն ինչպես է քամահրում Սիրիայում անմեղ մարդկանց կյանքերը: Եվ մեր ազգային շահերի մեջ չի մտնում թույլ տալ, որ նորմ դառնա սարսափելի զենքի կիրառումը, ինչպես դա, օրինակ, տեղի ունեցավ Սոլսբերիում»,- նշել է բրիտանացի նախարարը:
Ուիլյամսոնն ընդգծել է, որ Սիրիայում ԱՄՆ, Մեծ Բրիտանիայի եւ Ֆրանսիայի համատեղ գործողությունը սահմանափակող բնույթ է կրել: «Խոսքը քաղաքացիական պատերազմին միջամտության, ռեժիմի փոփոխության կամ Սիրիայում իր խնդիրների կատարմանը Ռուսաստանին խանգարելու փորձերի մասին չէ»,- նշել է նա:
Ապրիլի 14-ի գիշերը ԱՄՆ-ն, Մեծ Բրիտանիան եւ Ֆրանսիան Սիրիային ավիահարվածներ են հասցրել ի պատասխան Դումայում քիմիական հարձակման, որի կատարման մեջ Արեւմուտքը մեղադրում է սիրիացի զինվորականներին: ԱՄՆ հայտարարությամբ՝ հարվածները կատարվել են Դումայի ու Հոմսի շրջաններում երեք թիրախներին, որոնք կասկածվում են Սիրիայի քիմիական զենքի ստեղծման ծրագրի հետ կապ ունենալու մեջ՝ գիտահետազոտական ինստիտուտին, հրամանատարակաան կետին եւ պահեստներին: Ինչպես նաեւ Հոմսում քիմիական զենքի 2 պահեստի: Լրատվամիջոցների տեղեկություններով՝ կրակի տակ են հայտնվել նաեւ Սիրիայի Հանրապետական գվարդիայի շտաբը, Դամասկոսի Մեզզա օդանավակայանը եւ Արեւելյան Գուտայի Ադ Դումեյր օդանավակայանը: