Արցախի Ձյուդոյի ֆեդերացիայի հրավերով եռօրյա այցով Արցախում պարապմունքներ է անցկացրել Ձյուդոյի Եվրոպայի, աշխարհի ու պատանեկան օլիմպիական խաղերի մրցանակակիր Հարություն Դերմիշյանը:
Աշխարհի օլիմպիական խաղերի մրցանակակիր Հարություն Դերմիշյանն Արցախում պարապմունքներ է անցկացրել
ՍՏԵՓԱՆԱԿԵՐՏ, մայիսի 29, ԱՐՑԱԽՊՐԵՍ: «Արցախպրես»-ի թղթակցի հետ զրույցում Արցախի Ձյուդոյի ֆեդերացիայի գլխավոր մարզիչ Իվան Ազիզբեկյանը կարևորել է այդ սպորտում փորձի առկայությունը:
Նրա խոսքով՝ հաճախ հաղթանակը մարզիկից խլողը հենց նրա անփորձությունն է, հուզմունքը, սեփական ուժերին չվստահելը:
«Կախված մի շարք հանգամանքներից՝ մեր մարզիկները միշտ չեն կարողանում մասնակցել արտերկրներում կազմակերպվող տարբեր մրցումների: Դրա համար էլ աշխատում ենք, հանդիպումների ժամանակ փորձի փոխանակմանը մեծ ուշադրություն դարձնել»,- ասել է Ի. Ազիզբեկյանը:
Նա նշել է նաև, որ իրենք հաճախ են հայտնի մարզիկներ հրավիրում՝ Արցախի երեխաների հետ պարապմունքներ անցկացնելու համար: Իրենք նախկինում հյուրեր են ունեցել Երևանից, Ռումինիայից ու Ֆրանսիայից:
Հարություն Դերմիշյանն էլ ասել, որ ձյուդո մարզաձևի զարգացման համար Արցախում կան բոլոր պայմանները: Նա բարձր է գնահատել արցախցի մարզիկների ներուժը: Հաջողության հասնելու համար Հ. Դերմիշյանը ևս կարևորում է մարզական փորձը: