Artsakhpress

Հասարակական

ԱՀ առողջապահության նախարարության և Հայ օգնության ֆոնդի միջև կնքվել է համագործակցության հուշագիր

ԱՀ առողջապահության նախարարության և Հայ օգնության ֆոնդի (ՀՕՖ) միջև Հադրութի շրջանային բուժմիավորումում «Համայնքային բուժքույրերի ունակությունների բարձրացում» ծրագրի իրականացման վերաբերյալ կնքվել է համագործակցության հուշագիր:

ԱՀ առողջապահության նախարարության և Հայ օգնության ֆոնդի միջև կնքվել է համագործակցության հուշագիր

ԱՀ   առողջապահության   նախարարության      և   Հայ օգնության ֆոնդի միջև   կնքվել  է   համագործակցության  հուշագիր
ՍՏԵՓԱՆԱԿԵՐՏ, հունիսի 14, ԱՐՑԱԽՊՐԵՍ: Հուշագիրը   ստորագրել  են  ԱՀ առողջապահության  նախարար  Կարինե  Աթայանը  և   ՀՕՖ-ի առողջապահական ծրագրերի ղեկավար Համբարձում  Սիմոնյանը:
«Արցախպրես»-ի  թղթակցի   հաղորդմամբ՝       միջոցառմանը  Կ.  Աթայանն  ասել  է, որ «Համայնքային բուժքույրերի ունակությունների բարձրացում» ծրագրի նպատակն է բարելավել առաջնային բուժօգնության և սպասարկման որակը, ինչպես նաև դրանց մատչելիությունը գյուղական վայրերում:
Նախարարը   նշել  է,  որ   ծրագիրն  իրականացվում  է   երկու   փուլով.  առաջին փուլը մեկնարկել է 2018  թվականի  գարնանը: Ծրագրի շրջանակներում ԱՀ առողջապահության նախարարության կողմից ընտրված  11 բուժաշխատող  ՀՀ առողջապահության ազգային ինստիտուտում վերապատրաստման   դասընթացներ   է  անցել.  վերջիններս  էլ  իրենց ստացած   փորձն  ու  գիտելիքները  փոխանցելու  են  գյուղական  վայրերի բուժաշխատողներին:
Կ.  Աթայանի  խոսքով՝   Հայ օգնության ֆոնդը  նվիրատվության կարգով Տումիի և Մեծ Թաղերի գյուղական բժշկական ամբուլատորիաներին տրամադրել  է  պուլսօքսիմետր, գլյուկոմետր, թթվածնի տարա, ստրիպներ, ինչպես նաև  Էլեկտրոսրտագրության  (ԷՍԳ)   բժշկական սարքավորումներ:
ՀՕՖ-ի առողջապահական ծրագրերի ղեկավար Համբարձում Սիմոնյանն  էլ   նշել  է, որ տարիների ընթացքում Արցախի հեռավոր համայնքներում երբեմն  ստիպված  են  լինում   առողջապահության պատասխանատվությունը  ստանձնել բուժքույրերը՝ սահմանափակ ռեսուրսների պարագայում իրականացնելով ընտանեկան  բժշկի գործառույթներ։
 
«Բուժքույրերի   դերն ու նշանակությունը կարևոր է, իսկ նրանց գիտելիքների և ունակությունների ձեռքբերումը՝   անհրաժեշտություն։ Պարբերական վերապատրաստումները  նոր մոտեցումների, բժշկության  ոլորտի   վերին  նորույթներին   տիրապետելու  համար    անհրաժեշտ  է   նրանց  հետ   անցկացնել   վերապատրաստման    դասընթացներ»,-ընդգծել  է Հ. Սիմոնյանը:
 
«Համայնքային բուժքույրերի ունակությունների բարձրացում» ծրագրի    շրջանակներում   այս  տարի   դասընթացներին     կմասնակցեն   Հադրութի, Մարտակերտի, Քաշաթաղի և  Քարվաճառի  շրջանների    թվով  120 բուժքույր։
Հադրութում    հունիսի  13-ից  արդեն  մեկնարկել են    դասընթացները. դրանց    մասնակցում  է  15 բուժքույր։
Նշենք, որ  «Համայնքային բուժքույրերի ունակությունների բարձրացում» ծրագիրը  կիրականացվի  մինչև 2019 թվականը  ներառյալ: 

     

Քաղաքական

Տնտեսական

Հասարակական

Ռազմական

Ամենադիտված

ամիս

շաբաթ

օր

ՊՆ բեռնատարի վթարի արդյունքում չորս զինվոր է մահացել

Աշոտ Հակոբջանյանը նշանակվել է Արցախի Հանրապետության ոստիկանության պետի տեղակալ

Զանգակատուն գյուղի մոտ ադրբեջանցիներն իրենց դիրքերն առաջ են բերել. համայնքապետ

Շուշիում կազմակերպվել է մոդելավորման բաժնի ուսանողների աշխատանքների ցուցադրություն

Արցախում առաջին անգամ պետբյուջեի եկամուտները կգերազանցեն ծախսերը. Ֆինանսների նախարար

Ունեմ շուրջ 115 հազար վաճառքի ենթակա տնկիներ. երիտասարդ այգեգործը պատմել է իր հաջողված բիզնեսի մասին

Փորձարկվել է հայկական արտադրության առաջին ռազմական ռոբոտը

Քիմ Քարդաշյանն ու Քանյե Ուեսթը գալիս են Հայաստան երեխա որդեգրելու

Կոմիտասի անվան երաժշտական դպրոցի դիմորդները տարեցտարի ավելանում են. մշակութային կրթօջախը 80 տարեկան է

Search