Artsakhpress

Քաղաքական

ԱԺ «Հայրենիք» խմբակցությունը կոչ է անում ներքաղաքական խնդիրների լուծումը որոնել խորհրդարանական հարթությունում

Հանրապետությունում առկա ներքաղաքական իրավիճակի և դրա հանգուցալուծման վերաբերյալ «Ազատ Հայրենիք» կուսակցության խորհրդարանական «Հայրենիք» խմբակցությունն այսօր՝ հունիսի 16-ին, հանդես է եկել հայտարարությամբ:

ԱԺ «Հայրենիք» խմբակցությունը կոչ է անում ներքաղաքական խնդիրների լուծումը որոնել խորհրդարանական հարթությունում

ԱԺ «Հայրենիք» խմբակցությունը կոչ է անում  ներքաղաքական խնդիրների լուծումը որոնել խորհրդարանական հարթությունում
ՍՏԵՓԱՆԱԿԵՐՏ, հունիսի 16, ԱՐՑԱԽՊՐԵՍ: Հայտարարության մեջ ասված է.
«Հարգելի՛ հայրենակիցներ, վերջին ժամանակներում Արցախի քաղաքական դաշտը հագեցած է բոլորիս հայտնի իրադարձություններով:
Մենք կարծում ենք, որ հանրապետության քաղաքական դաշտում գործունեություն ծավալող բոլոր, այդ թվում՝ արտախորհրդարանական ուժերը պարտավոր են ավելի ակտիվ և ավելի կառուցողական պատրաստակամությամբ լծվելու երկրի առջև ծառացած խնդիրներին լուծում տալուն:
Յուրաքանչյուրիս է հայտնի, որ մեր պետականության առջև ծառացած խնդիրներից զատ կան նաև մարտահրավերներ, որոնց դիմակայելն այլընտրանք չունի, և հատկապես ա՛յս հարցում արդյունավետությունը պահանջում է բոլոր ուժերի և ջանքերի համատեղում ու համադրում, քանզի ձախողման դեպքում նորից փորձելու, հետամուտ լինելու շանս կարող ենք և չունենալ: Ի դեպ, գրեթե համանման մոտեցում ունի նաև հայաստանյան քաղաքական դաշտն ամբողջությամբ:
Ինչ խոսք, չի կարելի աչք փակել այն խնդիրների վրա, որոնք բարձրաձայնում են մեր խորհրդարանական գործընկերները, այդ թվում՝ «Վերածնունդ» խմբակցությունը, և մեր արտախորհրդարանական գործընկերները: Այո՛, խնդիրներն առկա են, դրանք մտահոգում են մեզ և անպայման պետք է գտնեն իրենց լուծումները՝ սկսած ամենաբարդ խնդիրներից, այդ թվում՝ ԱԺ վերաբերող, մինչև մեր ժողովրդին մտահոգող ցանկացած օրենսդրական կամ սոցիալ-տնտեսական բնույթի խնդիր:
«Ազատ Հայրենիք» կուսակցությունը կոչ է անում բոլոր քաղաքական ուժերին՝ համախմբելու բոլոր ռեսուրսները ստեղծված վիճակից պատվով դուրս գալու համար: Կուսակցությունն ամեն ինչ անում է՝ լուծելու մեր երկրի և մասնավորապես՝ նրա քաղաքական դաշտի առջև ծառացած մարտահրավերների հաղթահարման խնդիրը:
Հարգելի՛ գործընկերներ, եկել է պահը՝ դրսևորելու առավելագույն ողջամտություն, համախմբվածություն և միասնականություն: Երկրի առջև ծառացած խնդիրները, նրանց լուծման ուղիների փնտրտուքը պետք է լինեն միայն և միայն քաղաքական հարթությունում՝ Արցախի Հանրապետության Ազգային ժողովում։
Ազգային գերակա շահ հասկացությունը հատկապես հիմա բոլորիս ենթարկում է ճակատագրական քննության, որի արդյունքից է կախված մեր պատմական հեռանկարը:
Աստված մեզ պահապան»:

     

Քաղաքական

Տնտեսական

Հասարակական

Ռազմական

Ամենադիտված

ամիս

շաբաթ

օր

Նախագահ Սահակյանը ներկայացրել է ՊԲ նոր հրամանատարին (տեսանյութ)

Գեներալ-լեյտենանտ Լևոն Մնացականյանը խոսք է ուղղել բանակի անձնակազմին

Սերժ Սարգսյանը հրաժարվել է հանձնել շրջանները. Լուկաշենկո

Արցախում թխված մոտ 3 մետր երկարությամբ ժենգյալով հացը գրանցվել է «Դյուցազնագրքում» (լուսանկարներ)

Բակո Սահակյանը հանդիպում է ունեցել Նիկոլ Փաշինյանի հետ

ԱՀ ՊՆ, ՊԲ հրամանատար, գեներալ-մայոր Կարեն Անդրանիկի Աբրահամյանի համառոտ կենսագրությունը

«Արսենալ»-«Ղարաբաղ» խաղում հայ երկրպագուն Մոնթեի պատկերով շապիկով ու Արցախի դրոշով ներխուժեց խաղադաշտ

«Ղարաբաղ Տելեկոմ»-ը հանդես է եկել նոր առաջարկով

Երևանի կենտրոնական կլինիկական հոսպիտալ տեղափոխված 4 զինծառայողն էլ խիստ հսկողության տակ են, 3-ի վիճակը կայուն ծանր է

Search