Ֆինլանդիայի կառավարությունը որոշում Է ընդունել չորս օրով հսկողություն սահմանել Եվրամիության երկրների հետ սահմաններին՝ Հելսինկիում ՌԴ-ի եւ ԱՄՆ-ի նախագահներ Վլադիմր Պուտինի եւ Դոնալդ Թրամփի հանդիպման պատճառով:
Ֆինլանդիան չորս օրով հսկողություն Է սահմանում ԵՄ-ի հետ սահմաններին՝ Պուտինի եւ Թրամփի հանդիպման պատճառով
ՍՏԵՓԱՆԱԿԵՐՏ, հուլիսի 13, ԱՐՑԱԽՊՐԵՍ-ԱՐՄԵՆՊՐԵՍ: Աս մասին հաղորդել Է նախարարների կաբինետի մամուլի ծառայությունը:
Հսկողությունը, ներքին գործերի նախարարության առաջարկության համաձայն՝ կսահմանվի հուլիսի 13-ին տեղական ժամանակով 12:00-ին (Երեւանի ժամանակով 13:00-ին) եւ կշարունակվի մինչեւ հուլիսի 17-ի 12:00-ն: Այս միջոցը սահմանվում Է այն մարդկանց ներթափանցումը երկիր կանխելու նպատակով, ովքեր կարող են սպառնալ անվտանգությանը կամ հասարակական կարգին՝ նախագահների այցի պատճառով:
Ինչպես ավելի վաղ հաղորդել Է Կրեմլի մամուլի ծառայությունը, Թրամփի եւ Պուտինի հանդիպումը տեղի կունենա հուլիսի 16-ին: Ռուսաստանի նախագահի մամուլի քարտուղար Դմիտրի Պեսկովի խոսքով՝ երկու երկրների ղեկավարները կքննարկեն մի շարք ոչ հասարակ հարցեր, այդ թվում համակողմանիորեն կքննարկվի Սիրիայի թեման, հաղորդել Է ՏԱՍՍ-ը: