Artsakhpress

Հասարակական

Քռասնիում բացվել է համայնքային կենտրոն

Այսօր՝ հուլիսի 16-ին, Ասկերանի շրջանի Քռասնի համայնքում տեղի է ունեցել «Հայաստան» համահայկական հիմնադրամի ԱՄՆ-ի արևմտյան շրջանի բարերարներ Հակոպ և Հիլդա Բաղդասարյանների ու ԱՀ կառավարության համաֆինանսավորմամբ կառուցված համայնքային կենտրոնի բացման հանդիսավոր արարողությունը:

Քռասնիում բացվել է համայնքային կենտրոն

Քռասնիում բացվել է համայնքային կենտրոն
ՍՏԵՓԱՆԱԿԵՐՏ, հուլիսի 16, ԱՐՑԱԽՊՐԵՍ: «Արցախպրես»-ի թղթակցի հաղորդմամբ՝ մինչ միջոցառման մեկնարկը բացման արարողությանը ներկա ԱՀ Նախագահ Բակո Սահակյանը պաշտոնատար այլ անձանց և բարերարների ուղեկցությամբ ծաղիկներ է խոնարհել արցախյան պատերազմի զոհերի հիշատակը հավերժացնող հուշարձանին:
 
Միջոցառմանը ներկա բարերար Հակոբ Բաղդասարյանի որդին՝ Գևրիգ Բաղդասարյանը, կարևորել է նախաձեռնությունը՝ նշելով, որ սա պատմական օր է:
 
«Այս ուրախության մեջ միակ տխրությունն այն է, որ հայրս իր աչքերով չի կարող տեսնել շենքը: Ուզում եմ մեր ընտանիքի կողմից շնորհակալություն հայտնել և մեր խոնարհումը բերել բոլոր այն ընտանիքներին, որոնք արցախյան պատերազմում ունեցել են զոհեր:
Մեր այցելած արցախյան գրեթե բոլոր գյուղերում կային հուշարձաններ զոհված ազատամարտիկների հիշատակին: Նրանց արածը մենք որևէ ձևով հատուցել չենք կարող, և մեր կողմից արված փոքր ներդրումները համայնքի բնակիչների կյանքը հեշտացնելու միջոց են: Արտասահմանում ապրող բոլոր հայերը պետք է աջակիցը լինեն նմանատիպ ծրագրերի»,- մասնավորապես ասել է Գ. Բաղդասարյանը:
 
«Հայաստան» համահայկական հիմնադրամի ծրագրերի համակարգող Վարդան Փարթամյանն էլ համայնքային կենտրոնի մանրակերտն է նվիրել Բաղդասարյանների ընտանիքին՝ ընդգծելով, որ ամեն շինություն մի ընտանիքի կամ անհատի պատմություն է , և այսօր մենք Հակոբ Բաղդասարյանի օրինակի ականատեսն ենք, ով արմատներով շուշեցի է, սովորել է Շուշիի ռեալական ուսումնարանում:
 
«Շենքը կդառնա Քռասնի համայնքի բաբախող սիրտը, իսկ Բաղդասարյանների ընտանիքը այստեղ կունենա իր երկրորդ տունը»,- ավելացրել է Վ. Փարթամյանը:
 
Իսկ Քռասնի համայնքի ղեկավար Կարեն Գրիգորյանը նշել է, որ համայնքային կենտրոնի բացումն իրականություն է դարձրել համագյուղացիների վաղեմի երազանքը:
 
«Մեր առջև իր ողջ շքեղությամբ վեր է խոյացել հոյակապ մի կառույց, որտեղ տեղակայված են գյուղապետարանը, հանդիսությունների սրահը, երիտասարդների ժամանցի սենյակը և բուժկետը: Մեր երախտագիտությունն ենք հայտնում «Հայաստան» համահայկական հիմնադրամին, Արցախի կառավարությանը, Բաղդասարյանների ընտանիքին և բոլոր նրանց, ովքեր օգնել ու աջակցել են շենքի ժամանակին կառուցմանը»,- ասել է Կ. Գրիգորյանը և Քռասնի համայնքի պատվավոր քաղաքացիների կոչում շնորհել Բաղդասարյանների ընտանիքի անդամներին:
Այնուհետև օրհնության կարգ է կատարել Արցախի թեմի առաջնորդ Պարգև արքեպիսկոպոս Մարտիրոսյանը:
Հանդիսավոր արարողությանը ներկա էին ԱՀ Նախագահի խորհրդական-հատուկ հանձնարարությունների գծով ներկայացուցիչ Արայիկ Հարությունյանը, ԱԺ Նախագահ Աշոտ Ղուլյանը, պաշտոնատար այլ անձինք, հիմնադրամի ներկայացուցիչներ Հայաստանից և Սփյուռքից:

     

Քաղաքական

Հասարակական

Ռազմական

Ամենադիտված

ամիս

շաբաթ

օր

Սամվել Բաբայանը զառանցում է. Վիտալի Բալասանյանը՝ աղմկահարույց սպանությունների մասին

Ռոբերտ Քոչարյանը ազատ կարձակվի. դատարանն ընդունեց կալանքը փոխելու վերաբերյալ երաշխավորությունը

Ի՞նչ նոր քարտեզի մասին է խոսում Սամվել Բաբայանը. Վիտալի Բալասանյանը հրեշավոր է համարում այդ ծրագիրը

Լևոն Հայրապետյանի ծանր օրերին նախագահ Սահակյանն արել է ամեն ինչ՝ հնարավորն ու անհնարինը․ Արշավիր Ղարամյան

Արցախում ապրող ամեն մի ընտնաիքի համար բնակարան ձեռք բերելը կդարձնենք ավելի մատչելի. Արայիկ Հարությունյան

Բակո Սահակյանն ու Արկադի Ղուկասյանը երաշխավորեցին Քոչարյանի ազատության համար. նրանք 500.000–ական դրամ են վճարել

ՀՀ գլխավոր դատախազի հանձնարարությունը

Ռուսական Առաջին ալիքը չեղարկել է մանկական «Ձայնը» հեռուստանախագծի քվեարկության արդյունքները

Պետք է աջակցել ՀՀ իշխանություններին, վարչապետ Նիկոլ Փաշինյանին՝ համախմբվելով արտաքին վտանգի դեմ. Արայիկ Հարությունյան

Search