Վրաստանի բնակիչների մի փոքր հատվածը երբեք չի լսել համացանցի մասին, ևս մեկ չորրորդը երբեք չի օգտվել դրանից։
Վրաստանի որոշ բնակիչներ չգիտեն, թե ինչ է համացանցը. հարցում
ՍՏԵՓԱՆԱԿԵՐՏ, օգոստոսի 5, ԱՐՑԱԽՊՐԵՍ: Նման տվյալներ են հրապարակվել ԱՄՆ Ազգային դեմոկրատական ինստիտուտի(NDI) անցկացրած հարցման մեջ։
Հարցվածների 1%-ը պատասխանել է, որ չգիտի, թե ինչ է ինտերնետը, երբ հետազոտողները նրանց հարցրել են, թե ինչ հաճախականությամբ են համացանց մտնում։ 28%-ը հայտարարել է, որ երբեք չի օգտվել համացանցից։ Միևնույն ժամանակ, Վրաստանի բնակիչների կեսից ավելին օգտվում են համացանցից, որոնց 10%-ը՝ շաբաթական մեկ անգամ։
Հարցման համաձայն՝ օգտատերերի մեծ մասը Թբիլիսիում է բնակվում։ Այստեղ 81%-ը մշտապես օգտվում է համացանցից, ևս 3%–ը շաբաթական մեկ անգամից քիչ է օգտվում համացանցից, իսկ 16%-ը՝ ընդհանրապես չի օգտվում։
