Artsakhpress

Քաղաքական

Փաշինյանը վերահաստատում է Արցախի հարցով բանակցային գործընթացում լիարժեք ներգրավվելու իր պատրաստակամությունը

ՀՀ վարչապետ Նիկոլ Փաշինյանը մեծապես կարևորում է բանակցություններում Արցախի ժողովրդի ներկայացուցչի ներգրավման անհրաժեշտությունը:

Փաշինյանը վերահաստատում է Արցախի հարցով բանակցային գործընթացում լիարժեք ներգրավվելու իր պատրաստակամությունը

 Փաշինյանը վերահաստատում է Արցախի հարցով բանակցային գործընթացում լիարժեք ներգրավվելու իր պատրաստակամությունը
ՍՏԵՓԱՆԱԿԵՐՏ, սեպտեմբերի 12ԱՐՑԱԽՊՐԵՍ-ԱՐՄԵՆՊՐԵՍ: Վարչապետը նաև վերահաստատում է բանակցային գործընթացում լիարժեք ներգրավվելու իր պատրաստակամությունը:
Նիկոլ Փաշինյանն այս մասին հայտարարեց ԱԺ հերթական քառօրյայի վերջին նիստին՝ պատասխանելով  ՀՀԿ խմբակցության անդամ Տաճատ Վարդապետյանի դիտարկմանը:
Վարդապետյանը նշեց՝ Ադրբեջանի նախագահ Ալիևը, անդրադառնալով վարչապետ Փաշինյանի՝ Արցախը, որպես բանակցային կողմ դարձնելու հայտարարությանը, նշել է՝ բանակցությունների խոչընդոտի պատասխանատվությունն այդ դեպքում ընկնում է Հայաստանի վրա:
«Իհարկե, ես բազմիցս պատրաստակամություն եմ հայտնել բանակցային գործընթացի մեջ ներգրավվել լիարժեք: Ես ասել եմ, որ իրավասու եմ համարում ինձ բանակցել Հայաստանի անունից, քանի որ ՀՀ վարչապետ եմ, բայց իրավասու չեմ Արցախի անունից: Արցախի ժողովուրդը չի մասնակցում Հայաստանում իշխանության ձևավորմանը, քանի որ իրենք ունեն իրենց իշխանությունը, կառավարությունը, նախագահը, որն ի վիճակի է բանակցել Արցախի անունից»,- նշեց վարչապետ Փաշինյանը:
Նա նկատեց՝ ասվածի մեջ սենսացիոն բան չկա: ԵԱՀԿ Մինսկի խմբի համանախագահող երկրների նախագահների հայտարարությունում Արցախի վերջնական կարգավիճակի առումով նշվում է Արցախի ժողովրդի կամարտահայտման անհրաժեշտությունը: Այսպիսով արձանագրված է Արցախի հակամարտության կողմ լինելու հանգամանքը:
«Մենք շատ պարզ դնում ենք շատ պարզ հարց՝ բանանցում ենք ուղղակի բանակցելու, թե հարցը լուծելու համար:  Եթե մենք բանակցում ենք հարցը լուծելու համար, ինչպես ենք պատկերացնում հարցի լուծումը առանց հակամարտության կողմի: Եթե մենք բանակցում ենք բանակցելու համար, մենք պատրաստ ենք նաև այդպիսի ֆորմատի: Սակայն քանի դեռ չի արձանագրվել Արցախի ժողովրդի ներկայացուցչի ներգրավման անհրաժեշտությունը, նշանակում է, որ մենք ընդհանրապես չենք մոտեցել հարցի կարգավորմանը»,- նկատեց Փաշինյանը:
Նրա կարծիքով՝ բանակցային գործընթացին ամենաշատը խանգարում է  այն ռազմաշունչ մթնոլորտը, որը հաստատվում է Ադրբեջանի ղեկավարության ոչ կառուցողական գործողությունների արդյունքում: «Ես վերահաստատում եմ բանակցությունների գործընթացին լիարժեք ներգրավվելու պատրաստակամությունս: Չկա դեպք, որ առաջարկվել է բանակցել, և Հայաստանը հրաժարվել է դրանից»,- ասաց վարչապետը:
Նա նշեց՝ ոչ ֆորմալ ձևաչափում ՌԴ նախագահ Պուտինը առաջարկել է հանդիպել Ալիևի հետ, սակայն որևէ բովանդակային քննարկում Պուտինը և Փաշինյանը չեն ունեցել:

     

Քաղաքական

Տնտեսական

Հասարակական

Ռազմական

Ամենադիտված

ամիս

շաբաթ

օր

Մահացու հրազենային վիրավորում է ստացել ՊԲ ժամկետային զինծառայող

ՊՆ բեռնատարի վթարի արդյունքում չորս զինվոր է մահացել

Նախագահական ընտրություններին «Ազատ հայրենիք»-ը հանդես կգա սեփական թեկնածուով. Արթուր Թովմասյան

Աշոտ Հակոբջանյանը նշանակվել է Արցախի Հանրապետության ոստիկանության պետի տեղակալ

Զանգակատուն գյուղի մոտ ադրբեջանցիներն իրենց դիրքերն առաջ են բերել. համայնքապետ

Շուշիում կազմակերպվել է մոդելավորման բաժնի ուսանողների աշխատանքների ցուցադրություն

Հեռուստամարաթոնից մեծ ակնկալիքներ կան. Հայկակ Արշամյան

Փորձարկվել է հայկական արտադրության առաջին ռազմական ռոբոտը

Քիմ Քարդաշյանն ու Քանյե Ուեսթը գալիս են Հայաստան երեխա որդեգրելու

Search