Artsakhpress

Մշակույթ

Հոկտեմբերին Ստեփանակերտում կկազմակերպվի «ARTSakh Fest» ժամանակակից արվեստի փառատոնը

Հոկտեմբերի 5-7-ն ընկած ժամանակահատվածում Ստեփանակերտի Վահրամ Փափազյանի անվան պետական դրամատիկական թատրոնում տեղի է ունենալու «ARTSakh Fest» ժամանակակից արվեստի փառատոնը:

Հոկտեմբերին Ստեփանակերտում կկազմակերպվի «ARTSakh Fest» ժամանակակից արվեստի փառատոնը

Հոկտեմբերին Ստեփանակերտում կկազմակերպվի «ARTSakh Fest» ժամանակակից արվեստի փառատոնը
ՍՏԵՓԱՆԱԿԵՐՏ, սեպտեմբերի 21, ԱՐՑԱԽՊՐԵՍ: Այս մասին «Արցախպրես»-ի թղթակցի հետ զրույցում ասել է նախագծի հեղինակ,  արվեստի անկախ համադրող, Երևանի Ժամանակակից Արվեստի Ինստիտուտի ծրագրերի ղեկավար Աննա Կամայը՝ հավելելով, որ նախաձեռնությունն իրականացվում է ԱՀ մշակույթի, երիտասարդության հարցերի և զբոսաշրջության նախարարության, կրթության, գիտության և սպորտի նախարարության, ՀՀ մշակույթի նախարարության, Շուշիի «Եզնիկ Մոզյան արհեստագործական ուսումնարան»-ի և Թուֆենկյան հիմնադրամի աջակցությամբ:
Նրա խոսքով՝ փառատոնին իրենց մասնակցությունն են բերելու Արցախի, Հայաստանի և արտերկրի շուրջ 30 ժամանակակից արվեստագետներ:
«Փառատոնի ծրագրի մեջ ներառվելու են հետազոտական ցուցահանդես, վավերագրական լուսանկարչություն, բացօդյա պերֆորմանսներ, ձայնային արվեստ (sound art), տեսանկար (video art) և ժամանակակից արվեստի այլ տեսակներ:  Փառատոնի թեման Ժամանակակից արվեստի և պատմամշակութային միջավայրի փոխառնչությունն է։ Օգտագործելով հնի ու նորի աշխատող հակադրությունը՝ փառատոնի մասնակիցները պետք է իրենց միջամտություններով հասարակության ուշադրությունը կենտրոնացնեն Ստեփանակերտի դրամատիկական թատրոնի՝ նորոգման կարիք ունեցող շինության վրա։ Տեղի արվեստագետների և թատերախմբի հետ համագործակցության միջոցով մենք ցանկանում ենք շունչ տալ թատրոնի շենքին` այդպիսով Ստեփանակերտը վերածելով նորարարական արվեստի կենտրոնի»,- նշել է Ա. Կամայը՝ կարևորելով, որ փառատոնն ամբողջությամբ նկարահանվելու, մոնտաժվելու և տարածվելու է որպես ֆիլմ՝ նպաստելով ինչպես թատրոնի պատմական անցյալի վերաիմաստավորմանն ու թատերական կյանքի աշխուժացմանը, այնպես էլ՝ փառատոնի հետագա հանրահռչակմանը։ 
Նախագծի հեղինակի խոսքով՝ նախաձեռնության նպատակն է միջազգային համագործակցության, դրսի արվեստագետների և կազմակերպությունների հետ կապեր հաստատելու և փոխանակություններ զարգացնելու միջոցով նպաստել Արցախի մշակութային և քաղաքական մեկուսացումը հաղթահարելուն: 

     

Քաղաքական

Տնտեսական

Հասարակական

Ռազմական

Ամենադիտված

ամիս

շաբաթ

օր

Արցախի նախագահական ընտրություններին մասնակցելու հայտ է ներկայացրել 12 թեկնածու

Սամվել Բաբայանի գրասենյակը կեղծ հայտարարություն է տարածել. պարզաբանում

Արցախում երկու զինծառայող է զոհվել

Դատարանը հրապարակեց Սամվել Բաբայանի դատական գործով որոշումը

Սամվել Բաբայանի ղեկավարած կուսակցությունը կսատարի Մասիս Մայիլյանի թեկնածությունը

Ստեփանակերտում կկառուցվի նոր, իր չափերով գուցե ամենամեծ բնակելի թաղամասը. Արայիկ Հարությունյան

Համապետական ընտրություններին մասնակցելու հայտ է ներկայացրել 14 նախագահի թեկնածու, 2 կուսակցությունների դաշինք և 10 կուսակցություն

Աջակցում ենք նախագահի թեկնածու Արայիկ Հարությունյանին. ավելի քան մեկ տասնյակ հասարակական կազմակերպություններ հանդես են եկել հայտարարությամբ

Ստեփանակերտ-Երևան երկկողմանի ճանապարհները փակ են. ԱԻՊԾ

Search