Artsakhpress

Հասարակական

ԱՀ նախագահը պարգևատրել է մի խումբ ուսուցիչների

Ուսուցչի օրվա կապակցությամբ այսօր՝ հոկտեմբերի 5-ին, Արցախի Հանրապետության Նախագահի նստավայրում տեղի է ունեցել պարգևատրման արարողություն:

ԱՀ նախագահը պարգևատրել է մի խումբ ուսուցիչների

ԱՀ   նախագահը   պարգևատրել  է մի   խումբ  ուսուցիչների
ՍՏԵՓԱՆԱԿԵՐՏ, հոկտեմբերի 5, ԱՐՑԱԽՊՐԵՍ: «Արցախպրես»-ի  թղթակցի  հետ  զրույցում     ԱՀ  նախագահ  Բակո  Սահակյանի  կողմից  Արցախի  հանրապետության  վաստակավոր   մանկավարժի  կոչումստացած   Երևանի    պետական  համալսարանին առընթեր Արտաշես   Շահինյանի անվան ֆիզմաթ հատուկ  դպրոցի Ստեփանակերտի  մասնաճյուղի  ֆիզիկայի   ուսուցչուհի   Սվետլանա   Պետրոսյանն  ասել է, որ  արդեն  51   տարի  է, ինչ   ինքը  շարունակում   է    աշխատել   որպես  մանկավարժ:
«Ուսուցիչը  պետք  է  սիրի   իր   մասնագիտությունը՝  մանկավարժի  աշխատանքը, նվիրվի  իր    աշակերտներին՝   նրանց   կողմից    արժանանալով     սիրո   և  հարգանքի:  Մենք՝  կոչումների   արժանացած  մանկավարժներս, շնորհակալ  ենք    նման   գնահատանքի  արժանանլու  համար: Կշարունակենք     արժանի  լինել  ուսուցչի  վեհ  կոչմանը:  Տոնի  առթիվ   շնորհավորում  եմ  իմ  բոլոր   գործընկերներին՝  ցանկանալով  նրանց  նորանոր  ձեռքբերումներ»,-ասել  է  Ս.  Պետրոսյանը:
Վաստակավոր  մանկավարժի   կոչում  ստացած  Ասկերանի   շրջանի  Ներքին  Սզնեք  համայնքի       միջնակարգ  դպրոցի   ֆիզիկայի  ուսուցիչ   Շահեն  Մարգարյանն   իր  կեսդարյա  մանկավարժական  աշխատանքը  գնահատելու    համար  ևս  շնորհակալություն  է  հայտնել երկրի  ղեկավարությանը:
Իր   համար    պատիվ  է   երկրի   նախագահի   կողմից   արժանանալ    նման     պարգևի.  այն  պարտավորեցնող  է:
«Ես  աշխատում  եմ   11  աշակերտ ունեցող     դպրոցում:  Մեզնից  մեծ  աշխատանք  է  պահանջվում, որ  կարողանանք   այդ   աշակերտներին  տալ   խոր  ու  կայուն  գիտելիքներ,  արժանի  քաղաքացիներ      դաստիարակել  և   նրանց նախապատրաստել  մեծ  կյանք  մտնել»,-ավելացրել  է  Շ. Մարգարյանը:
Արցախի  կամավոր ֆիզկուլտուրայի մարզական ընկերություն (ԿՖՄԸ) մանկապատանեկան մարզադպրոցի սանդա ուշու մարզաձևի մարզիչ, ԱՀ ուշուի ֆեդերացիայի գլխավոր մարզիչ  Դավիթ   Գրիգորյանն  էլ  արժանացել է  վաստակավոր   մարզչի  կոչման:
Նա    ասել է, որ   իր   համար  մեծ   պատիվ   է  երիտասարդ  տարիքում  արժանանալ  այդպիսի     կոչման:
«Համոզած  եմ, որ    մեր  երկրում   ամեն  աշխատանք  գնահատվում  է  ըստ   արժանվույն: Այս   կոչման  համար    ես  պարտական   եմ    մեր   ֆեդերացիայի   բոլոր   մարզիչներին.  աա  մեր  համատեղ  աշխատանքի   արդյունքի գնահատականն  է:  Հատուկ   շնորհակալությունս   եմ  հայտնում  նաև   մեր    ֆեդերացիայի    հիմնադիր  Կարո  Քեբաբջյանին, ում  նախաձեռնությամբ  1997   թվականին   Արցախում  հիմնադրվել է   ուշուի   ֆեդերացիան»,-նշել  է  Դ.  Գրիգորյանը:
Իր    շնորհակալական   խոսքն  է  ասել   նաև      Ասկերանի  շրջանի  Աստղաշենի   դպրոցի   տնօրեն    Սլավա   Գրիգորյանը, ով  արժանացել  է    «Վաչագան  Բարեպաշտ»  մեդալի: 

     

Քաղաքական

Տնտեսական

Հասարակական

Ռազմական

Ամենադիտված

ամիս

շաբաթ

օր

Սամվել Բաբայանը զառանցում է. Վիտալի Բալասանյանը՝ աղմկահարույց սպանությունների մասին

Ռոբերտ Քոչարյանը ազատ կարձակվի. դատարանն ընդունեց կալանքը փոխելու վերաբերյալ երաշխավորությունը

Ի՞նչ նոր քարտեզի մասին է խոսում Սամվել Բաբայանը. Վիտալի Բալասանյանը հրեշավոր է համարում այդ ծրագիրը

Բակո Սահակյանն ու Արկադի Ղուկասյանը երաշխավորեցին Քոչարյանի ազատության համար. նրանք 500.000–ական դրամ են վճարել

Լևոն Հայրապետյանի ծանր օրերին նախագահ Սահակյանն արել է ամեն ինչ՝ հնարավորն ու անհնարինը․ Արշավիր Ղարամյան

Արցախում ապրող ամեն մի ընտնաիքի համար բնակարան ձեռք բերելը կդարձնենք ավելի մատչելի. Արայիկ Հարությունյան

Հայտնի են «Վերջին զանգ»-ի առթիվ կայանալիք տոնական միջոցառումների օրերը

«Էրեբունի» բժշկական կենտրոնի մի խումբ բժիշկներ Ստեփանակերտում իրականացնում են հետազոտություններ

Ռուսական Առաջին ալիքը չեղարկել է մանկական «Ձայնը» հեռուստանախագծի քվեարկության արդյունքները

Search