Artsakhpress

Մշակույթ

Ստեփանակերտում Հայաստան-Արցախ «Մշակութային կամուրջ» ծրագիրը մեկնարկել է միասնական շուրջպարով

ՀՀ-ում գործող «Չումբո» նախաձեռնող խմբի և ԱՀ մշակույթի, երիտասարդության հարցերի և զբոսաշրջության նախարարության համատեղ նախաձեռնությամբ Հայաստան-Արցախ «Մշակութային կամուրջ» ծրագիրն այսօր մեկնարկել է Ստեփանակերտի Վերածննդի հրապարակում կազմակերպված միասնության շուրջպարով:

Ստեփանակերտում Հայաստան-Արցախ «Մշակութային կամուրջ» ծրագիրը մեկնարկել է միասնական շուրջպարով

Ստեփանակերտում   Հայաստան-Արցախ «Մշակութային կամուրջ»  ծրագիրը  մեկնարկել  է  միասնական  շուրջպարով
ՍՏԵՓԱՆԱԿԵՐՏ, հոկտեմբերի 20, ԱՐՑԱԽՊՐԵՍ: «Արցախպրես»-ի  թղթակցի  հետ զրույցում «Չումբո» նախաձեռնող  խմբի    ղեկավար  Սմբատ  Հակոբյանն ասել է, որ    արդեն  5-րդ  տարին  է, ինչ   իրենք   նախաձեռնել  են    Հայաստան-Արցախ «Մշակութային կամուրջ» ծրագիրը:
«Այս   տարիների  ընթացքում   մենք     Արցախ ենք  բերել  ավելի քան  4000  մշակութային  գործիչներ  և  շուրջ 600 արցախցիներ   էլ  այցելել   են  ՀՀ՝  շրջագայելու  նպատակով:Այս   տարի  ծրագրին  ՀՀ-ից  մասնակցում է ավելի քան  300  հոգի:Արցախում  մեզ  են  միացել    Շառլ  Ազնավուրի  անվանն մշակութային   կենտրոնի   «Արցախի  բալիկներ» համույթի  սաները:   Բացի  Ստեփանակերտում  կազմակերպվող  միասնական   շուրջպարից, նույնը կազմակերպվելու  է     նաև   Շուշիում: Ծրագրի  շրջանակներում   այցելելու  ենք    զորամասեր, որտեղ  հանդես  ենք   գալու   համերգային   ծրագրով, ծանոթանալու ենք  զինվորների առօրյային  և  նրանց  բաժանելու  ենք նվերներ: Երեկոյան  էլ Ստեփանակերտի  Շառլ  Ազնավուրի անվան  մշակութային  կենտրոնում  կազմակերպվելու  է   հուշ-երեկո՝ նվիրված   մեծն  շանսոնյեի  անմահ  հիշատակին: Այնուհետև  տեղի  է  ունենալու  ևս  մեկ   համերգ՝   նվիրված «Երևան-Էրեբունի»   2800-ամյակին»,-մանրամասնել է  Ս. Հակոբյանը՝ նշելով, որ  իրենք  բարձր  են  գնահատում  ԱՀ  կառավարույթան  այն    աջակցությունը, որ   նախատեսվում  է այս  ծրագրի  իրականացման  համար:
Ըստ  մեր զրուցակցի՝  Հայաստան-Արցախ «Մշակութային կամուրջ» ծրագրի  նպատակն  է մեկ անգամ  ևս  փաստել, որ  հայ  ժողովուրդն    ամենուր  միասնական է: Նախաձեռնող  խմբի   գործունեության  12  տարիների  ընթացքում իրենք  հետամուտ  են  եղել  հենց  այդ  գաղափարին:
Միջոցառմանը   ներկա  ԱՀ  մշակույթի, երիտասարդության  հարցերի  և զբոսաշրջության  նախարար  Լեռնիկ  Հովհաննիսյանի  խոսքով՝  ծրագիրը  մեծ  նշանակություն  ունի   Արցախի և  Հայաստանի  մշակութային  կապերի  ավելի  սերտացմանը: «Այս  միասնական    շուրջպարը    երիտասարդության  յուրօրինակ   համախմբման   մի  ձև  է:Պետք  է  բոլորս  գիտակցենք, որ  մեր հայրենիքը չի  սահմանափակվում  միայն  այն  բնակավայրերով, որտեղ  ապրում  ենք: Այս   նախաձեռնության  մասնակիցները հնարավորություն  են ունենում  լավ  ճանաչել  միասնական  ամբողջական հայրենիք ունենալու  իմաստը: Յուրաքանչյուրս  պետք  է  իմանանք, որ Արցախ հայրենիքի սահմանները  ձգվում  են   Արաքից  մինչև Մռավ և Մռավից  մինչև  Արփա  գետ»,-ավելացրել  է  Լ. Հովհաննիսյանը:
Միջոցառմանը  ներկա  էին  ԱՀ  նախագահ  Բակո  Սահակյանը, պաշտոնատար  այլ  անձինք, արվեստասեր  հասարակություն: 

     

Քաղաքական

Տնտեսական

Հասարակական

Ռազմական

Ամենադիտված

ամիս

շաբաթ

օր

Սարսանգից մինչև Մարտակերտ նոր ջրանցք կկառուցվի, կներդրվի 100 մլն ԱՄՆ դոլար. Արայիկ Հարությունյանը՝ խոշորամասշտաբ ծրագրի մասին

«Ֆորբսը» հայուհուն ներառել է աշխարհի մինչև 30 տարեկան ամենաազդեցիկ մարդկանց ցանկում

Ես եմ «Բարձրացած բռունցք, Արցախ-Ղարաբաղ» գողացված տարբերանշանի իրական հեղինակը. Վահե Ֆատտալի բաց նամակը

Արցախում շաքարային դիաբետով հիվանդ երեխաների համար կազմակերպվել է միջոցառում

Ստեփանակերտում խոշոր մարզահամալիր կկառուցվի. Արայիկ Հարությունյանը բարեգործական նոր ծրագրերի մասին է հայտարարել

ԵԱՀԿ դիտարկումը Արցախի և Ադրբեջանի սահմանին

«Արցախ ՀԷԿ» ընկերությունն ամփոփել է 11-ամյա գործունեության արդյունքները. նշվել է նոր նախագծերի մասին

Վիրավորված եմ ինձ զգում Բելառուսի կողմից մեր պետությանը հասցրած վիրավորանքի համար. Արթուր Աղաբեկյան

Արտադրվող էլեկտրաէներգիայի ծավալն աճել է 120 %-ով. «Արցախ ՀԷԿ»-ի տնօրեն

Search